Anyandera 15:8 - AHYERƐLƐ KRONGRON

⁸ Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 15:8 Iomraidhean Croise

2 Samuel 15:12

Na mmerɛ bɔ Absalom gu so ɔbɔ afɔleɛ nen, ɔsomane maa bɛɛfale Giloniɛ Ahitofel befili ye kuro Gilo bɛwale. Né ɔte Dawide foɛtulɛniɛ. Na Dawide ti so porɛbɔlɛ ne hɔle so, yiti mmenia hɔle so bɛfale bɛ nwo bɛbɔle Absalom.

1 Ahemvo 3:10

Na ɔyɛle AWURADE fɛ kyɛ Solomon asrɛ sɔ nikyee ne ɔ.

1 Aberɛso Dwirɛ 29:17

Me Nyameɛ, mese kyɛ ɛneanea ahone nu, na wɔ nye gye sona bɔ ye bra te sannwuu ɔ nwo. M’ahone nu te, na maye me kunu sefaa yeɛ mafa sɔ nningyein nemɔ amukoraa mabɔ afɔleɛ mama wɔ ɔ. Na kekesaala ye, wɔ maen bɔ bayia wa ye, manwu kyɛ bele anigye baye bɛ kunu sefaa babɔ afɔleɛ bama wɔ ɔ.

Edwein 141:2

Ma me mbaeɛ ɔyɛ kyɛ ɛyɛɛ wɔ wɔ nyunu, ná me sa bɔ mema so ne, ɔ́yɛ kyɛ nɔsoa afɔleɛ.

Edwein 17:1

Ao AWURADE, tie me dwirɛ bɔ ɔyɛ fɛ, yeɛ tie me sufrɛ; tie me mbaeɛ bɔ ofi noa bɔ nnakannaka ɔnne nu ɔ nu.

Anyandera 10:24

Bɔ bɔnefoɛ suro ne yeɛ ɔkɔto ye ɔ, nakoso teneneefoɛ de, bɛkɔyɔ bɔ bɛpena ɔ bɛkɔma bɛ.

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Anyandera 21:3

Tenenee bra ne pɛpɛɛpɛyɛlɛ, ɔsɔ AWURADE nye tra afɔleɛbɔlɛ.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Nworɛ Dwirɛhanɛniɛ 5:1

Sɛ ɛkɔ Nyameɛ awuro a, nea wɔ nwo yé wɔ bɔ ɛkɔyɔ ɔ nwo. Ɛkɔ berɛ kotie ye a, ɔte paa tra afɔleɛ bɔ ngwaseafoɛ bɛbɔ ɔ. Ofikyɛ bɛ de, bɛnze kyɛ bɔne yeɛ bɛyɔ ɔ.

Edwein Nu Dwein 2:14

O m’abubure bɔ ɛwɔ tokuro bɔ ɔla nyɔbotaen nu ɔ, bɔ aafea nyɔbotaen si ɔ, maa nwu wɔ nyunu e, maa nde wɔ komvi e, ofikyɛ wɔ komvi yɛ fɛ, na wɔ nyunu yɛ nyemene.

Yesaya 61:8

Ofikyɛ me, AWURADE, mekuro pɛpɛɛpɛyɛlɛ, mekyi naen yeralɛ afɔleɛ bɔ ɔte awue nikye ɔ, ngogyina pɛpɛɛpɛyɛlɛ so ngɔma bɛ akatuaa, na me ne bɛ yɛkɔyɛ apam afebɔɔ.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Yeremia 6:20

Ɛyɛɛ bɔ bɛ ne ye fi Hyeba bɛba, yeɛ ayirefona bɔ bɛ ne ye fi dedeede maen bie aso bɛba ne, aso bɛ nwo le mvasoɛ ma me? Me nye ngye ɛmɔ ɛyeralɛ afɔleɛ nemɔ anwo, yeɛ ɛmɔ afɔleɛ mɔ koso bɛnzɔ me nye.

Daniel 9:23

Ɛhyɛle wɔ sufrɛ ne abo nen, mmuayɛɛ bie fili nu wale, na mawa kyɛ mebaahã mekyire wɔ, ofikyɛ Nyameɛ kuro wɔ dwirɛ paa; yiti te edwirɛ ne abo, ná dwene nyekyire ne anwo.

Lewitikɔso 7:18

Sɛ ebie di asomdwee afɔleɛ naen ne bie ye ɛlɛsa ne aso a, afɔleɛ ne ngɔsɔ Nyameɛ nye, yeɛ Nyameɛ ngole sona bɔ ɔbɔle ne ngɔto nu; naen ne te akyiwadeɛ na sona bɔ okoli ne, ye musue kɔbɔ ye ti so.

Mika 6:6

“Nzikyɛ yeɛ mva mmra AWURADE nyunu, ná mmamɔ me nu ase wɔ Anwuro Anwuro Nyameɛ ne nyunu ɔ? Mva naen yeralɛ afɔleɛ mɔ yeɛ mmra ye nyunu ɔ, bɔ ɔte nandwie akrɔngrɔma mɔ bɔ bali afoɛ ko anaa?

Mika 6:7

Aso AWURADE nye kɔgye mmoaen nyii apee apee nwo, anaakyɛ ngoo asue apee buru apee buru nwo? Aso mva me bamuɛbaa ndua me mmeraatolɛ nwo kerɛ, anaakyɛ mva me bɔbɔ me kunu ba ndua me kra bɔne nwo kerɛ anaa?

Hagae 2:14

Yeɛ Hagae toale so sele kyɛ, “Sɔ ala yeɛ mmenia hemɔ bɛte ɔ, sɔ ala yeɛ maen he te wɔ me nyunu ɔ, AWURADE noa dwirɛ ɛne. Sɔ ala yeɛ bɛ sa noa adwuma biala te ɔ; yeɛ bɔ bɛfa bɛbɔ afɔleɛ bɛma me wɔ dɔ ne koso, ye nwo nde.

Malaki 1:10

O, ɛmɔ nu nwa yeɛ ɔkɔɔtoto anoa nemɔ anu ɔ, amaa ɔnate so ɛmɔangɔ anzɔ m’afɔleɛ bokyea ne aso see mbaen. Me kunu ndwo wɔ ɛmɔ nwo, yeɛ mengole ɛmɔ sa nu afɔleɛ ne, Asafo AWURADE noa dwirɛ ɛne.

Yohane 4:24

Nyameɛ te sunzum, na bɛ bɔ bɛsɔne ye ne, ɔsɛ kyɛ bɛsɔne ye wɔ sunzum nu ne nahorɛ nu.”