Anyandera 15:32 - AHYERƐLƐ KRONGRON

³² Sona bɔ ɔpo foɛtulɛ ne, obu ye bɔbɔ ye kra animtia, na bɔ otie anyunuhanɛ ne de, ɔyɛ badwemma.

Anyandera 15:32 Iomraidhean Croise

Edwein 50:17

Ofikyɛ ekyi kyɛ ngɔtea wɔ ɔ, yeɛ afa me dwirɛ ato ahameɛ.

Anyandera 1:7

AWURADE surolɛ yeɛ ɔte nimdeɛnyanɛ ye bohyɛlɛ ɔ, na ngwaseafoɛ de, bɛmva nworɛ ne ngyerɛkyerɛ bɛnyɛ huu.

Anyandera 10:17

Sona bɔ otie foɛtulɛ ne, ɔnate ngoa atee so, nakoso bɔ ɔpo bɛ nyunu hwilɛ ne de, odi makyebu fi atee ne aso.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 15:14

Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 15:21

Sona bɔ nworɛ nne ye ti anu ne, ngwaseasɛm yɛ ye fɛ, nakoso badwemma de, ɔyɔ bɔ ɔtengyɛ ɔ.

Anyandera 15:31

Asoɛ bɔ otie anyunuhanɛ bɔ ɔma ngoa ne, ɔne nworɛfoɛ yeɛ bɛtena ɔ.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Anyandera 15:5

Kwaseaa mva ye baba foɛtulɛ nyɛ huu, nakoso sona bɔ betwi ye nyunu a otie ne, ɔte badwemma.

Anyandera 17:16

Mvasoɛ beni yeɛ ɔwɔ so kyɛ kwaseaa kotua sikaa kɔtɔ nworɛ, wɔ aberɛ bɔ onnya ɔyyɛle ye adwene kyɛ okosua nworɛ ɔ?

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 19:20

Tie foɛtulɛ ná de ngyerɛkyerɛ to nu, amaa ɔnate so anwu nworɛ kyẽa bie.

Anyandera 29:1

Sona bɔ bɛtaa betwi ye nyunu a ogua ye so asi ne, musue bɔ ɔkɔto ye mvum nu ne, ongonya ye sɔbea.

Nworɛ Dwirɛhanɛniɛ 7:5

Nworɛniɛ twi wɔ nyunu a, ɔte paa kyɛ ekotie tra kyɛ ekotie ngwaseafoɛ edweintolɛ ɔ.

Yesaya 1:5

Nzu ati yeɛ ɛmɔkuro kyɛ mekɔ so mebo ɛmɔ ɔ? Nzu ati yeɛ ɛmɔtɛyɛ lɔen ye? Tire ne amukoraa nde apɔ, yeɛ ahone ne amukoraa ayɛ hodwoo.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Deuteronomi 21:18

“Sɛ ebie le baa bienzua asoserɛniɛ bɔ ommu hwee, bɔ ondie ɔse ne oni dwirɛ, bɔ bɛtea ye de, nakoso ondie bɛ dwirɛ a,

Deuteronomi 21:20

ná bɛka bekyire ye kuro berɛ mbanyi kyɛ, ‘Yɛ wa he te asoserɛniɛ bɔ ommu hwee; yɛkã dwirɛ a ɔmva, ɔte sɛkyefoɛ ne akɔnomnzaniɛ.’

Hebrifoɛ 12:15

Ɛ́mɔnea yé na Nyameɛ adom ne ammɔ ɛmɔ, na ɛmɔ nu biala anyɛ ye nwo bakaa ndii weewee, bɔ ɔfa ɛhawo brɛ mmeni pee na ogua bɛ nwo fiɛ ɔ;

Yakobo 1:22

Ɛ́mɔyɔ bɔ edwirɛ ne kã ne, na nnɛma ɛmɔyɛ atiefoɛ ngome bɛfa bɛlakalaka ɛmɔ nwo.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.