Anyandera 15:3 - AHYERƐLƐ KRONGRON

³ AWURADE nye wɔ nekaa biala, na ɔnea bɔnefoɛ ne mmeni paa.

Anyandera 15:3 Iomraidhean Croise

2 Aberɛso Dwirɛ 16:9

Ofikyɛ AWURADE nye bɔ mborɔkaa wɔ aseɛ ye aso amukoraa, kyɛ bɛ bɔ bedi nahorɛ bɛma ye ne, okogyina bɛ si. Bɔ ayɔ ye, ali ngwaseasɛm. Yiti ofi sɔ mmerɛ ye bɔ ɔkɔ ɔ, koɛ kɔtaataa wɔ.”

YOB NWOMAA NE 24:23

Ɔbɔ bɛ nwo waen ogyina bɛ si, nakoso ye nye li b’atee bɔ bɛnate so ɔ si.

YOB NWOMAA NE 28:24

Ofikyɛ ɔto ye nye nea aseɛ ye ti kɔka ye ti, na onwu nikyee biala bɔ ɔwɔ ewienu bo ɔ.

YOB NWOMAA NE 31:4

Aso onnwu nikyee biala bɔ meyɔ ɔ, aso ɔnga agyirɛ biala bɔ metu ɔ?

Edwein 33:13

AWURADE to ye nye fi nyameɛso nea ase, na onwu adasa mmaa amukoraa.

Anyandera 15:4

Ɛyɛ wɔ noa bɛtɛɛ a, ɔte ngoa bakaa, nakoso ngondombo dwirɛ de, oku sunzum.

Anyandera 5:21

Ofikyɛ bɔ sona yɔ ne, ɔla AWURADE nyunu, na ɔneanea ye atee bɔ ɔnate so amukoraa nu.

Yeremia 16:17

Ofikyɛ me nye tua bɛ yɔleɛ amukoraa. Bɛmvea wɔ me nyunu, yeɛ b’amumuyɛɛ koso, so ɔngata wɔ me nye so.

Yeremia 23:24

Aso ebie kɔhora kɔfea wɔ mvealeɛ nu bɔ mengonwu ye ɔ? AWURADE noa dwirɛ ɛne. Aso menyi nyameɛso ne aseɛ so tɛkyɛ anaa? AWURADE noa dwirɛ ɛne.

Yeremia 32:19

Wɔ bɔ wɔ nworɛ te totohyia, ná wɔ nnwumaa yɛ nwanwa ɔ; wɔ nye tua adasa b’atee amukoraa, kyɛ ɛkɔma ebiala ye atee bɔ ɔnate so ɔ ɔne ye yɔleɛ nwo akatuaa;

Sakaria 4:10

Na adwuma ne bohyɛlɛ kaaba ne, ebiala bɔ wabu ye animtia ne, okoli ahurusi, mmerɛ bɔ okonwu kyɛ Serubabɛl otira nyamaa bɔ bɛfa bɛtengyɛtengyɛ sua wɔ ye sa nu ne. Na kanea nzoo hemɔ te AWURADE nye mɔ bɔ bɛbɔ mborɔkaa wɔ aseɛ so amukoraa ɔ.”

Hebrifoɛ 4:13

Abɔdeɛ biala mvea wɔ Nyameɛ nyunu, ye bɔ odi kyɛ yɛbu ngondaa yɛkyire ye ne, nikyee biala mvea ye, na ye nye tua nningyein mukoraa.