Anyandera 15:28 - AHYERƐLƐ KRONGRON

²⁸ Teneneeniɛ dwene dwirɛ nwo koraka né wama mmuayɛɛ, nakoso bɔnefoɛ de, ye noa kekã musue dwirɛ.

Anyandera 15:28 Iomraidhean Croise

Edwein 59:7

Tie, edwirɛ mbiri mbiri bɔ bele bɛ noa bɛkekã ɔ, edwirɛ yealɛ bɔ otua bɛ noa ɔ, B’adwene ole kyɛ, “Nwa yeɛ ɔkɔte yɛ nga ɔ.”

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 10:32

Teneneeniɛ ye noa se edwirɛ bɔ bɛkã a ɔtɔ asoɛ nu ɔ, nakoso bɔnefoɛ noa de, ɔkã nnakannaka dwirɛ.

Anyandera 13:16

Badwemma fa adwene to bɔ ɔyɔ amukoraa nwo, nakoso kwaseaa de, ɔda ye gyiminɛ ali.

Anyandera 15:2

Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 16:23

Sona bɔ ɔse nworɛ ne, odwudwo nworɛ nu, na ɔnate so ma ye noa nya nikyeesualɛ nu ngɔsoɛ.

Anyandera 29:11

Kwaseaa fɛ yaa a, ɔda ye ali, nakoso nworɛniɛ de, ɔfɛ yaa a ɔhyɛ ye nwo so.

Anyandera 29:20

Yeɛ anwu sona bɔ ɔpe dwirɛ nwo ɔ? Anyelasoɛ wɔ berɛ ma kwaseaa tra sɔ sona ne.

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Nworɛ Dwirɛhanɛniɛ 5:6

Nnɛma wɔ noa diedie wɔ kɔ bɔne nu, yeɛ nnɛkã kyire bɔfoɛ ne kyɛ wɔ noa fone. Nzu ati yeɛ odi kyɛ Nyameɛ fɛ wɔ noa dwirɛ nwo yaa ná ɔsɛkye wɔ sa noa adwuma ɔ.

Mateo 12:34

Ɛmɔ, ewoo mmaa! Ɔkɔyɛ sɛɛ né ɛmɔahora bahã edwirɛ paa, wɔ aberɛ bɔ ɛmɔte bɔnefoɛ ɔ? Ofikyɛ bɔ wayi ahone nu maa wabu wafa so ne yeɛ noa ɔkã ɔ.

1 Petro 3:15

na mmom ɛ́mɔma Awurade Kristo ɔyɛ krongron wɔ ɛmɔ ahone nu. Na mmerɛ biala, ɛ́mɔboaboa ɛmɔ nwo bésie, amaa sɛ ebie bisa ɛmɔ dwirɛ fa anyelasoɛ bɔ ɔwɔ ɛmɔ nu ne nwo a, ɛmɔahora baye ye noa bahyire ye wɔ anwobrɛaseɛ ne anidie nu.

2 Petro 2:18

Ofikyɛ bɛbobɔ bɛ noa nu bɛkekã anwomasoɛ dwirɛ mbaen mbaen, na bɛnate anwoɔnaen akɔnnɔ nu bɛfa ahohwisɛm bɛlakalaka bɛ bɔ begu so bɛnwati befi mmenia bɔ bɛbɔ azanzabra nemɔ bɛ mvomsoɛ nu ɔ.