Anyandera 15:27 - AHYERƐLƐ KRONGRON

²⁷ Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Anyandera 15:27 Iomraidhean Croise

1 Ahemvo 2:40

Simei dwɔsole siesiele ye afunum, na ɔhɔle Akise berɛ wɔ Gate kyɛ ɔkwaapena ye nganga nemɔ. Simei ɔɔfale ye nganga nemɔ fili Gate wale.

2 Ahemvo 5:27

Ɔnate ye sɔ ti, Naaman kwata anwonyerɛ ne kɔte kɔha wɔ ne wɔ boso ama so afebɔɔ.” Yiti Gehasi fili Elisa nyunu berɛ hɔle bɔ né kwata anwonyerɛ ayɛ ye ma ye nwo ayɛ horaenn kyɛ asukɔtwea ɔ.

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Ɛksadɔso 18:21

Afei koso, neanea mmenia ne amukoraa nu, ná ye mmenia bɔ bɛfata, bɔ besuro Nyameɛ, bɔ bedi nahorɛ, bɔ bekyi fea-ase-ma, ná maa bɛlela mmenia apee apee, ɛyaa ɛyaa, aburannu aburannu ne buru buru noa.

Ɛksadɔso 23:8

Nnede fea-ase-ma, ofikyɛ fea-ase-ma ma mbanyi bu bɛ nye gua ndɛen turoloo so, na ɔma mmenia bua bɛ bɔ bedi be ɔ ndɛengyea.

Anyandera 1:19

Sɔ yeɛ oyie mmenia mukoraa bɔ bɛpena anwonya wɔ atee tɛɛ so ɔ, na anwonya tɛɛ ne ɔpɛ ye nwo okũkũ bɛ.

Anyandera 11:19

Sona bɔ ye bra tengyɛ ne, onya ngoa, nakoso bɔ odi bɔne si ne de, onya ewue.

Anyandera 11:29

Ebiala bɔ ɔha ye abusua ne, agyapadeɛ biala kɔbɔ ye, na kwaseaa kɔyɛ nworɛniɛ akoaa.

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 20:21

Agyapadeɛ bɔ ɛpere wɔ nwo nya ye ahyɛaseɛ ne, ye ayieleɛ ngɔyɛ saleɛ.

Anyandera 23:4

Nnɛha wɔ nwo pee pena anwonya, nnɛdi wɔ bɔbɔ wɔ nworɛ si.

Anyandera 28:16

Maen panyi bɔ ɔnze nworɛ ne, ɔhyɛ ye mmenia so paa, nakoso bɔ okyi anwonya fiɛ ne de, okonyi kɔhyɛ.

Anyandera 28:25

Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Anyandera 29:4

Sɛ ɛhene fa pɛpɛɛpɛyɛlɛ bu maen a, maen ne nya ngɔsoɛ, nakoso bɔ ode fea-ase-ma de, ɔbɔ maen ne.

Yeremia 17:11

Ebiala bɔ ɔpena anwonya bɔ wamva atee paa so ne, ɔte kyɛ akɔkɔhwereɛ bɔ obutu ngyiremvua bɔ nna ye yeɛ ɔtole ɔ so ɔ; onyi ɔkɔ ye nyunu kãa a, okofi ye sa, na ye ayieleɛ nu ɔkɔyɛ kwaseaa.

Deuteronomi 16:19

Nnɛbua ndɛengyea, nnɛsisi ebie wɔ ndɛenbualɛ nu, yeɛ nnɛde fea-ase-ma, ofikyɛ fea-ase-ma ma nworɛniɛ bu ye nye gua ndɛen turoloo so, na ɔmaa mmenia bua bɛ bɔ bedi be ɔ ndɛengyea.

Deuteronomi 7:26

Nnɛfa akyiwadeɛ biala ba w’awuro, ná wɔ koso angakyi akyiwadeɛ kyɛ ye ala. Ɔsɛ kyɛ ɛmaa ɔyɛ wɔ tɛ ná ekyi ye bɔkɔɔ, ofikyɛ ɔte akyiwadeɛ.

1 Timoteo 6:10

Ofikyɛ bɔne amukoraa ndii ole sikanyeboro, bɔ ebiemɔ ali ye si bali makyebu bafi gyidie ne anwo, bɔ yiti bahwehwe aworabɔlɛ pee babrɛ bɛ nwo ɔ.

1 Timoteo 6:9

Nakoso bɛ bɔ bɛpena kyɛ benya bɛ nwo ne, bɛtɔ nzɔhwɛ ne ngaen ne ngwaseaa akɔnnɔ bɔ ɔtte mayee mma sona, bɔ ɔfa bɛ kɔ ɛsɛkyelɛ ne eminilɛ nu ne anu ɔ.

Yosua 6:18

Nakoso ɛ́mɔnea ɛmɔ nwo yé wɔ nningyein bɔ AWURADE atu asie berɛ kyɛ ɛ́mɔsɛkye ye ne anwo, ná wamma ye kyɛ ɛmɔkɔfa sɔ nningyein bɔ odi kyɛ ɛmɔsɛkye ye ne bie, bɔ ɔkɔmaa Yisrael asikyeleɛ ne kɔyɛ nikyee bɔ odi kyɛ bɛsɛkye ye ɔ, bɔ ɔkɔfa amaneɛ kɔbrɛ ye ɔ.

1 Samuel 12:3

Ngyi ɛmɔ nyunu wa. Ɛ́mɔli me nwo adanzeɛ wɔ AWURADE nyunu, ɔne ye sona bɔ wapopa ye ngoo ne nyunu. Nwa nandwie yeɛ male ɔ? Nwa afunum yeɛ male ɔ? Anaakyɛ nwa yeɛ mali ye ndurum ɔ? Nwa yeɛ mahyɛ ye so ɔ? Nwa yeɛ male fea-ase-ma mafi ye berɛ, bɔ ɔnate so mabu me nye magua ndɛen turoloo so ɔ? Ɛ́mɔhã, na ngɔfa bie ngosi ye gya nu ngɔma ɛmɔ.”