Anyandera 15:25 - AHYERƐLƐ KRONGRON

²⁵ AWURADE dwiri anwomasoɛfoɛ b’awuro gua, nakoso ɔbɔ akunafoɛ mmrasua bɛ wɛen nwo waen.

Anyandera 15:25 Iomraidhean Croise

YOB NWOMAA NE 24:21

“Brasua mmotaen bɔ ɔnnwo ɔ po, osisi ye, na onnwu brasua kunaniɛ anwumvoin.

Edwein 10:14

Nakoso enwu ye. Amba, wɔ nye tua amaneɛ ne aworabɔlɛ bɔ ɔba ɔ, maa yiti ɛkɔhwe ye so wɔ ye nwo. Sona bɔ ɔyɛ anwumvo ne, ɔfa ye nwo wura wɔ sa; wɔ yeɛ ɛte ayisiaaniɛ bokafoɛ ɔ.

Edwein 138:6

Ofikyɛ ɔwɔ nu kyɛ AWURADE wɔ anwuro anwuro de, nakoso ɔdo anwobrɛaseɛfoɛ; na anwomasoɛfoɛ de, ɔbrɛ bɛ ase fi dedeede.

Edwein 146:9

AWURADE yeɛ ɔbɔ ɛwɔfoɛ mɔ nwo waen ɔ; ɔnea nyisiaafoɛ ne akunafoɛ, nakoso bɔnefoɛ atee de, ɔmaa ɔyɛ basaa.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Edwein 52:5

Nakoso Nyameɛ kobubu wɔ kogua berɛ afebɔɔ; ɔkɔpra wɔ boso kɔhwe wɔ kofi wɔ tena sua nu; okotu wɔ bo kofi teasefoɛ aseɛ so. Sela

Anyandera 12:7

Bɔnefoɛ b’ayieleɛ yie bɛ, na bɛ boso mini, nakoso teneneeniɛ de, ye abusua kogyina.

Anyandera 14:11

Bɔnefoɛ mɔ, b’awuro kɔbɔ, nakoso teneneefoɛ de, bɛ tena sua kogyina.

Anyandera 15:26

Bɔnefoɛ bɛ porɛ bɔ bɛbɔ ne, ɔte AWURADE akyiwadeɛ, nakoso anwoteefoɛ de, bɛ dwirɛ nwo te.

Anyandera 23:10

Nnɛtutu daa tete ɛwɛen, yeɛ nnɛpimbi nyisiaa mɔ b’aseɛ,

Yesaya 1:17

Ɛ́mɔsua bɔ ɔte paa ɔ bɛyɔ, ɛ́mɔpena pɛpɛɛpɛyɛlɛ si atee, ɛ́mɔpepɛ bele bɛ bɔ bɛyɛ anwumvo ɔ, ɛ́mɔhã bie bɛma nyisiaafoɛ, ná ɛmɔgyina akunafoɛ mmrasua si.

Yesaya 2:12

Na Asafo AWURADE ole ye kyẽa bɔ ɔkɔwa ebiala bɔ ɔte anwomasoɛ ne ahandaen ɔ so, ɔne ebiala bɔ wama ye nye atra ye ndo nwiaa ɔ so, na ɔkɔbrɛ ye ase;

Yeremia 5:28

Bayɛ branoa totwetotwee. Amba, bedi nzɛmmɔne bɛtra so; bemmua nyisiaafoɛ ndɛen bɔ ɔtengyɛ ɔ, nakoso sɔ mmenia nemɔ benya bɛ nwo, yeɛ bɛnga bie bɛmma bɛ bɔ bɛyɛ anwumvo ɔ.

Daniel 5:20

Nakoso mmerɛ bɔ ahandaen wurale ye nu, ná anwomasoɛ maa ɔyɛle dwɛɛ nen, betuli ye befili ye bia so, na belele ye animnyam ne befili ye sa nu.

Deuteronomi 19:14

“Aseɛ bɔ AWURADE wɔ Nyameɛ ɔ́fa ma wɔ maa ɔyɛ wɔ deɛ ne, agyapadeɛ bɔ ekonya ye wɔ so ne, ɔyɛ a nnɛpimbi ebiɛngo wɛen bɔ daa ama mɔ bali moa bato ne.

Yakobo 1:27

Nyameɛsom bɔ ye nwo te bɔ efiɛ nne ye nwo wɔ Baba Nyameɛ nyunu ɛhe: kyɛ ɛkɔɔnea nyisiaa ne akunafoɛ wɔ b’amaneɛnwunɛ nu, ɔne kyɛ ɛkɔhwe wɔ nwo kofi wiase bra basabasa nu ɔ.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.