Anyandera 15:2 - AHYERƐLƐ KRONGRON

² Nworɛfoɛ noa dwirɛ ma nimdeɛ yɛ nyemene, nakoso ngwaseafoɛ noa kekã ngwaseasɛm.

Anyandera 15:2 Iomraidhean Croise

Edwein 45:1

Ndɛenvɛen ayi m’ahone nu tɛkyɛ, na ɛhene ne nwo dwein yeɛ meto ɔ, me temverema te kyɛ ahyerɛlɛniɛ bɔ waboa ye nwo ɔ ye pɛn.

Edwein 59:7

Tie, edwirɛ mbiri mbiri bɔ bele bɛ noa bɛkekã ɔ, edwirɛ yealɛ bɔ otua bɛ noa ɔ, B’adwene ole kyɛ, “Nwa yeɛ ɔkɔte yɛ nga ɔ.”

Anyandera 12:23

Badwemma feafea ye nimdeɛ so, nakoso ngwaseafoɛ de, bɛbɔ egyiminɛ dawure.

Anyandera 13:16

Badwemma fa adwene to bɔ ɔyɔ amukoraa nwo, nakoso kwaseaa de, ɔda ye gyiminɛ ali.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:28

Teneneeniɛ dwene dwirɛ nwo koraka né wama mmuayɛɛ, nakoso bɔnefoɛ de, ye noa kekã musue dwirɛ.

Anyandera 15:7

Nworɛfoɛ noa dwirɛ ma nimdeɛ trɛ, nakoso ngwaseafoɛ b’adwene de, ɔtte sɔ.

Anyandera 16:23

Sona bɔ ɔse nworɛ ne, odwudwo nworɛ nu, na ɔnate so ma ye noa nya nikyeesualɛ nu ngɔsoɛ.

Anyandera 5:2

amaa ɔnate so w’adwene nu abukye, ná wɔ noa ahã nimdeɛ dwirɛ.

Nworɛ Dwirɛhanɛniɛ 10:14

Kwaseaa dwudwo pee bɔ ye noa mbe ɔ, nakoso sona nze bɔ ɔbaasi ɔ, bɔ kyẽa bie okosi wɔ ye si ne, nwa yeɛ ɔkɔhora kɔla ye ali kohyire ye ɔ?

Nworɛ Dwirɛhanɛniɛ 5:3

Kyɛbɔ adwenedwene pee ma sona kye laleɛ ne, sɔ ala yeɛ edwudwolɛ pee maa yɛnwu sona kwaseaa ɔ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.