Anyandera 15:18 - AHYERƐLƐ KRONGRON

¹⁸ Sona bɔ ye ahone pingye ye ne, ye nwo te ngondii, nakoso bɔ ye ahone nhu ndɛ ne de, ɔma mmenia ahone tɔ nzue nu.

Anyandera 15:18 Iomraidhean Croise

2 Samuel 19:43

Nakoso Yisrael koɛhonɛfoɛ nemɔ buale Yuda koɛhonɛfoɛ kyɛ, “Yɛ bue deɛ bɔ ɔwɔ ɛhene ne anu ne, ɔtra ɛmɔ bue deɛ sɔ alaa buru. Yɛ bue deɛ bɔ ɔwɔ Dawide nu ne, ɔtra ɛmɔ bue deɛ. Nzu ati yeɛ ɛmɔmmu yɛ sɔa ye? Aso nna yɛ yeɛ yɛlili moa yɛhane kyɛ yɛkwaafa yɛ hene yɛsa yɛba ɔ?” Nakoso Yudafoɛ mane bɛ noa yɛle se trale Yisraelfoɛ.

Anyandera 10:12

Ɛpɔen twetwe ngondii ba, nakoso ɔdɔ de, ɔkata mvomsoɛ amukoraa so.

Anyandera 14:29

Sona bɔ ye ahone nhu ndɛ ne, ole ndeaseɛ paa, nakoso bɔ ye ahone pingye ye ne de, odi ngwaseasɛm.

Anyandera 15:1

Ɛyɛ wɔ noa bɛtɛɛ ɛma mmuayɛɛ a, ɔma ahone tɔ nzue nu, nakoso edwudwo fumfum a, ye de ɔma ahone hu.

Anyandera 15:19

Sona bɔ ɔte foen ne, ye atee te mmowue mmowue, nakoso teneneeniɛ de, ye atee te atimbire.

Anyandera 16:14

Ɛhene ahonehulɛ te ewue bɔfoɛ, nakoso nworɛniɛ ma ahone ne tɔ nzue nu.

Anyandera 16:28

Sona bɔ adwene paa nne ye ti anu ne, ɔma ngondii tɔ mmenia b’afia, na nzekurebɔlɛniɛ tete abiɛngoɛ mɔ b’afia.

Anyandera 22:24

Nnɛfa sona bɔ ye ahone pingye ye ɔ abiɛngoɛ, yeɛ nnɛne bɔ ɔfɛ yaa mbaen mbaen ɔ bɛbɔ afɛ,

Anyandera 25:15

Enya aboterɛ a, ɔkora ma ndɛenbualɛniɛ kakyi ye adwene, yeɛ sɛ ɛyɛ wɔ noa bɛtɛɛ a, ɔkora ma maen mbanyi betie wɔ dwirɛ.

Anyandera 26:21

Kyɛbɔ see nzramaa ma ebunaen sɔ, ná see ma eyein sɔ ne, sɔ ala yeɛ sona bɔ okuro ngondii ɔ fa koɛ ba ɔ.

Anyandera 28:25

Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Anyandera 29:22

Sona bɔ okuro ɛyaafɛlɛ ne, ɔtwetwe ngondii ba, yeɛ bɔ ɔma ye ahone hu ne, ɔto mmeraa pee.

Nworɛ Dwirɛhanɛniɛ 10:4

Sɛ wɔ hene fɛ wɔ so yaa a, nnɛfi ye nyunu berɛ, ofikyɛ sɛ ɛbrɛ wɔ nwo ase a, ɔmaa bɛfa wɔ bɔne mbiri mbiri bɛkyɛ wɔ.

Mateo 5:9

“Bɛ bɔ bɛte patafoɛ ne banya saleɛ, ofikyɛ bɛ yeɛ bɛkɔfrɛ bɛ Nyameɛ mma ɔ.