Anyandera 15:16 - AHYERƐLƐ KRONGRON

¹⁶ Kyɛ ekosuro AWURADE ná ekonya nikyee kaaba ne, ɔte paa tra anwonyadeɛ pee bɔ amaneɛ boka so ɔ.

Anyandera 15:16 Iomraidhean Croise

Edwein 37:16

Nikyee kãa biala bɔ teneneeniɛ ole ye ne, odi mu tra bɔnefoɛ pee b’anwonya.

Anyandera 10:22

AWURADE saleɛ yeɛ ɔma sona nya ye nwo ɔ, na ɔmva aworabɔlɛ biala mmoka so.

Anyandera 15:15

Sona bɔ onwu amaneɛ ne, kyẽa biala ɔtte mayee mma ye, nakoso bɔ ye nye agye de, mmerɛ biala te ɛpoentolɛ ma ye.

Anyandera 16:8

Ɛpe atee paa so enya nikyee kaaba bie a, ɔte paa tra kyɛ ekoli aminɛ ekonya wɔ nwo tam ɔ.

Anyandera 17:1

Edi nzammoa bɔ wawo ná wɔ so anu tɔ wɔ a, ɔte paa tra awuro bɔ afɔleɛbɔlɛ ngome, nakoso nu te ngondii ɔ.

Anyandera 28:6

Ehianiɛ bɔ ye bra te sannwuu ne, ɔte paa tra sikaniɛ bɔ ye suban ɔtte mayee ɔ.

Nworɛ Dwirɛhanɛniɛ 4:6

Wɔ sa bum ko bɔ asomdwee wɔ nu ne, ɔte paa tra wɔ sa bum nyɔ bɔ ɛfɛɛ ne dadwene boka so ɔ.

1 Timoteo 6:6

Nakoso nyamesom paa bɔ ɔma wɔ kunu dwo wɔ ne, ɔte anwonya piri;