Anyandera 15:15 - AHYERƐLƐ KRONGRON

¹⁵ Sona bɔ onwu amaneɛ ne, kyẽa biala ɔtte mayee mma ye, nakoso bɔ ye nye agye de, mmerɛ biala te ɛpoentolɛ ma ye.

Anyandera 15:15 Iomraidhean Croise

Gyenesise 37:35

Na ye mma mmienzua mukoraa ne ye mma mmrasua mukoraa bɔle mmɔden kyɛ bɛkɔkyekye ye wora, nakoso wambene. Yakob sele kyɛ, “Méfa aworabɔlɛ mépo mma ne wɔ ɛborɔ.” Na ye baba suni ye paa.

Gyenesise 47:9

Yakob buale Faro kyɛ, “Mahyini aseɛ ye aso afoɛ ɛyaa ko ne aburasa; m’afoɛ ne anzo pee, ye somaa ndwu afoɛ bɔ me nana mɔ lili ɔ, nakoso ɛfɛɛ wɔ nu paa.”

Anyandera 15:13

Enya anigye wɔ wɔ nu a, ɔma wɔ nyunu yɛ ɛsereserelɛ, nakoso aworabɔlɛ ma sona sunzum nwo to.

Anyandera 15:14

Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 15:16

Kyɛ ekosuro AWURADE ná ekonya nikyee kaaba ne, ɔte paa tra anwonyadeɛ pee bɔ amaneɛ boka so ɔ.

Anyandera 16:22

Sona bɔ ole nimdeɛ ne, ɔte ngoa asue ti ma ye, na ngwaseafoɛ de, bɛ gyiminɛ yeɛ ɔtwe bɛ so ɔ.

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

Romanfoɛ 5:11

Nna ɛhe angome, na mmom yɛnate y’Awurade Yesu Kristo bɔ wasiesie yɛ ne Nyameɛ afia ne so yanya anika wɔ Nyameɛ nu.

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

2 Korintofoɛ 1:5

Na kyɛbɔ yɛnwu Kristo amaneɛ worawora ne bie ne, sɔ ala yeɛ yɛnate Kristo so yɛnya aworakyekyerɛ mmorosoɛ ɔ.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.