Anyandera 15:14 - AHYERƐLƐ KRONGRON

¹⁴ Badwemma adwene pena nimdeɛ si atee, nakoso ngwaseafoɛ de, ngwaseasɛm te bɛ noa aleɛ.

Anyandera 15:14 Iomraidhean Croise

Edwein 119:100

Me nimdeɛ tra mbanyi mɔ, ofikyɛ medi wɔ nhyehyɛleɛ so.

Edwein 119:97

Ao, kyɛbɔ mesi mekuro wɔ mmeraa ne ɔ! Ye nwo yeɛ medwenedwene daa ɔ.

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Anyandera 12:23

Badwemma feafea ye nimdeɛ so, nakoso ngwaseafoɛ de, bɛbɔ egyiminɛ dawure.

Anyandera 15:15

Sona bɔ onwu amaneɛ ne, kyẽa biala ɔtte mayee mma ye, nakoso bɔ ye nye agye de, mmerɛ biala te ɛpoentolɛ ma ye.

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 9:9

Tu nworɛniɛ foɛ, na ɔkɔhɔ so konwu nworɛ; yeɛ kyirekyire teneneeniɛ nikye, na ɔkɔhɔ so konya nimdeɛ.

Yesaya 30:10

Na bese mmenia bɔ bɛse ase ne kyɛ, “Nnɛma ɛmɔnwu nikye”; yeɛ bese ngɔmhyɛlɛfoɛ koso kyɛ, “Nnɛma ɛmɔhyɛ edwirɛ nahorɛ nwo ngɔm bekyire yɛ; na mmom ɛmɔhã edwirɛ bɔ ɔyɛ yɛ so anu fɛ ɔ behyire yɛ, ɛ́mɔli ngɔndorɔ,

Yesaya 44:20

Nzoen yeɛ odi ɔ; ye adwene bɔ ɔte kãa ne amaa wamini, ɔngora mbepɛ nnne ye kra, yeɛ ɔngora mmisa ye nwo kyɛ, “Bɔ me sa famaa tira nu ye, aso nna nnakannaka nikyee ɔ?”

Hosea 12:1

Efraim li mvrama si, na ogu eyia afiteleɛ mvrama so daa biala. Ɔma ye anoanupɛlɛ ne basabasayɔlɛ ɔkɔ so yɛ pee, bɛ ne Asiria bɛyɛ apam, na bɛsoa ngoo bɛkɔ Misraim.

Asomafoɛ 17:11

Na sɔ Yudafoɛ nemɔ, né b’adwene nu api tra bɛ bɔ bɛwɔ Tɛsalonika ne, ɔnate kyɛ bɛyele bɛ kunu betiele edwirɛ ne; na daa biala bɛneaneane Ahyerɛlɛ ne anu kyɛ, aso edwirɛ ne, ye ala ɛne a.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.