Anyandera 14:8 - AHYERƐLƐ KRONGRON

⁸ Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Anyandera 14:8 Iomraidhean Croise

Edwein 111:10

AWURADE surolɛ te nworɛnwunɛ ye bohyɛlɛ; bɛ bɔ bɛyɔ sɔ ne, benya nimdeɛ paa. Odi kyɛ bɛye ye ayɛ afebɔɔ.

Edwein 119:5

Ao, ahaa né me bra atengyɛ fɔngɔnn, bɔ medi w’ahyɛdeɛ so ɔ!

Edwein 119:73

Wɔ sa yeɛ ɛfa bɔle me ná esiesiele me ɔ; ma me ndeaseɛ maa mva nzua wɔ mmeraa dwirɛ ne.

Edwein 143:8

Maa nde wɔ ɔdɔ bɔ onni ngasi ne nga ngyerɛmɔ, ofikyɛ wɔ yeɛ mefa me wora mewura wɔ nu ɔ. Maa nwu atee bɔ mva so ɔ; ofikyɛ wɔ yeɛ mepagya me kra mekyire wɔ ɔ.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 12:5

Teneneeniɛ ye ti anu adwene te paa, nakoso bɔnefoɛ foɛtulɛ de, ɔte nnakannaka.

Anyandera 15:21

Sona bɔ nworɛ nne ye ti anu ne, ngwaseasɛm yɛ ye fɛ, nakoso badwemma de, ɔyɔ bɔ ɔtengyɛ ɔ.

Anyandera 2:9

Na afei ɛkɔte tenenee, nahorɛlilɛ, pɛpɛɛpɛyɛlɛ ne atee bɔ ɔte paa biala bo.

Anyandera 8:20

Tenenee atimbire so yeɛ mefa ɔ, mefa ndɛenbualɛ turoloo atee so.

Nworɛ Dwirɛhanɛniɛ 2:13

Na nwuni kyɛ mvasoɛ wɔ nworɛ so tra ngwaseasɛm, kyɛbɔ mvasoɛ wɔ kanea so tra awosii ne.

Nworɛ Dwirɛhanɛniɛ 2:16

Ofikyɛ nworɛfoɛ oo, ngwaseafoɛ oo, bɛ nwo ngayeɛ ngɔtena berɛ afebɔɔ. Ɔnate kyɛ mmerɛ bie baawa bɔ mmenia wora kofi bɛ mukoraa ɔ. Hmmm! Nworɛniɛ wu, kyɛbɔ kwaseaa koso wu ne ala.

Yeremia 13:20

“Ma wɔ nye so ná nea mmenia bɔ befi sorɔ dɔ bɛ́ba ne. Mmoaen kure bɔ bɛfa bewurale wɔ sa ne, ɔwɔ nisua, wɔ mmoaen kure nyemenenyemene ne?

1 Korintofoɛ 3:19

Na ewiase nworɛ te ngwaseasɛm wɔ Nyameɛ nyunu, ofikyɛ bahyerɛ kyɛ, “Nworɛfoɛ bɛ bɔbɔ bɛ kanda yeɛ ɔfa sua bɛ ngaen kye bɛ ɔ.”

Ɛfesofoɛ 4:22

Brabɔlɛ daa bɔ ɛmɔbɔle ne, ɔte ɛmɔ sona sue daa, na ɔte porɔlowaa wɔ nnakannaka akɔnnɔ nu, yiti ɛ́mɔgyi bégua,

Ɛfesofoɛ 5:17

Yiti nnɛma ɛmɔyɛ mmenia bɔ adwene nne bɛ ti anu ɔ, na mmom ɛ́mɔyɛ mmenia bɔ bɛte Awurade apɛdeɛ bo ɔ.

2 Timoteo 3:13

Na amumuyɛɛfoɛ ne aminɛlilɛfoɛ bɛkɔhɔ so bɛkɔlɔ asukɔ wɔ bɔne nu; bɛkɔlakalaka mmenia, ná mmenia koso alakalaka bɛ.

Yakobo 3:13

Ɛmɔ nu nwa yeɛ ɔte nworɛniɛ ne nimdeɛniɛ ɔ? Maa ɔfa bra paa ohyire ye nnwumaa wɔ anwobrɛaseɛ bɔ nworɛ wɔ nu ɔ nu.