Anyandera 14:6 - AHYERƐLƐ KRONGRON

⁶ Ngorohoɛniɛ pena nworɛ, na onnwu ye, nakoso sona bɔ ye adwene nu pi de, nimdeɛ nyanɛ nyɛ se mma ye.

Anyandera 14:6 Iomraidhean Croise

Edwein 119:18

Bukye me nye maa nwu anwanwadeɛ wɔ wɔ mmeraa ne anu.

Anyandera 1:5

Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Anyandera 14:5

Danzeniɛ nahorɛniɛ mbɛ anoanu, nakoso danzeniɛ ngondomboniɛ de, odi adanzewia.

Anyandera 14:7

Twe wɔ nwo fi kwaseaa nwo, ofikyɛ ɛngɔte nimdeɛ dwirɛ ngofi ye noa.

Anyandera 15:12

Ngorohoɛniɛ nguro kyɛ bɛkɔhã ye nyunu ɔ, yiti ɔngɔ nworɛfoɛ berɛ.

Anyandera 17:16

Mvasoɛ beni yeɛ ɔwɔ so kyɛ kwaseaa kotua sikaa kɔtɔ nworɛ, wɔ aberɛ bɔ onnya ɔyyɛle ye adwene kyɛ okosua nworɛ ɔ?

Anyandera 17:24

Badwemma sona fa nworɛ sie ye nye so, nakoso kwaseaa de, ye adwene la nekaa bie dededede.

Anyandera 18:2

Kwaseaa nye ngye kyɛ okonya nimdeɛ ɔ, na mmom bɔ ɔwɔ ye adwene nu angome yeɛ ɔkã ɔ.

Anyandera 24:7

Nworɛ te nikyee bɔ ɔbo ngwaseafoɛ adwene so, kwaseaa dwu nekaa bɔ bedi dwirɛ a, ommukye ye noa.

Anyandera 26:12

Yeɛ anwu sona bɔ obu ye nwo kyɛ ye de ɔse nworɛ ɔ? Sɔ sona ne, anyelasoɛ wɔ berɛ ma ngwaseafoɛ tra ye.

Anyandera 8:8

Me noa dwirɛ amukoraa tengyɛ, nnakannaka anaa ngondombo biala nne nu.

Anyandera 8:9

Ye mukoraa nu la berɛ ma bɛ bɔ b’adwene nu pi ɔ, na ɔte paa ma bɛ bɔ benya nimdeɛ ɔ.

Yesaya 8:20

Odi kyɛ ɛmɔpena mmeraa ne ne adanzeɛ ne si atee! Nahorɛ nu, sɛ banga ye kyɛbɔ edwirɛ ne ɔte ne a, ye de né nahorɛ biala nne bɛ nu.

Yeremia 8:9

Nworɛfoɛ nyunu kogua ase, ahunundetelɛ kɔtɔ bɛ so, ná wahye bɛ. Tie, AWURADE dwirɛ yeɛ bapo ye e, na nzikyɛ nworɛ yeɛ bɛse ɔ?

1 Korintofoɛ 8:2

Na sɛ ebie dwene kyɛ ole nimdeɛ a, né onnya nnyane nimdeɛ bɔ ɔsɛ kyɛ onya ɔ.

Yakobo 1:5

Na sɛ ɛmɔ nu bie tɔ sii nworɛ nu a, maa obisa Nyameɛ bɔ ɔye ye kunu fa ma mmenia, bɔ ɔmva animguaseɛ mmata ye nwo ne, na ɔkɔfa kɔma ye.