Anyandera 14:35 - AHYERƐLƐ KRONGRON

³⁵ Akoaa bɔ ɔse nworɛ ne, ɛhene ne kɔlo ye, nakoso ɔfɛ bɛ bɔ bɛbɔ nyanzoen bra so yaa.

Anyandera 14:35 Iomraidhean Croise

Gyenesise 41:38

Yeɛ Faro bisale ye mbanyi nemɔ kyɛ, “Aso yɛkonya sona bɔ ɔte sɔa bɔ Nyameɛ Sunzum te ye nu ɔ?”

Ɛseta 7:7

Yeɛ Nana Ahasuro le ɛyaa dwɔsole fili ɛpoentolɛ ne abo, na ɔhɔle ahemvie turo ne anu, nakoso Haman de, ɔhale berɛ srɛle Nana hemmaa Ɛseta kyɛ onwu ye anwumvoin ole ye ngoa, ofikyɛ onwuni kyɛ Nana Ahasuro wayɛ ye adwene kyɛ ɔkɔma edwirɛ piri paa kɔto ye.

Anyandera 10:5

Sona bɔ ɔboaboa fieso aleɛ noa wawa mmerɛ ne, ɔte baa nworɛniɛ, nakoso bɔ ɔdafe wɔ mmerɛ bɔ bɛfa fieso aleɛ ne de, ɔte nyanzoen baa.

Anyandera 14:34

Tenenee ma maen nya ngɔsoɛ, nakoso bɔne de, ogua maen biala nyunu ase.

Anyandera 16:13

Noa bɔ ɔkã nahorɛ ne, ahemvo mɔ nye gye ye nwo, yeɛ bekuro sona bɔ ye noa dwirɛ te turoloo ɔ dwirɛ.

Anyandera 17:2

Kanganiɛ bɔ ɔse nworɛ ne, okoli baa bɔ ɔbɔ nyanzoen bra so tumi, na okonya aliɛmaa nemɔ b’agyapadeɛ ne bie.

Anyandera 19:26

Baa bɔ ɔbo ɔse ná osa foa oni fi awuro ne, ɔte nyanzoen ne animguaseɛ ba.

Anyandera 20:26

Ɛhene bɔ ɔse nworɛ ne, ɔfa ye nye kari nwu bɔnefoɛ, na ɔfa teaseɛnam otwi fa bɛ so.

Anyandera 20:8

Sɛ ɛhene tena ndɛenbualɛ bia so a, ɔfa ye nye kari nwu bɔ ɔte bɔne amukoraa.

Anyandera 22:11

Sona bɔ okuro bra sannwuu bɔlɛ, bɔ ye noa dwirɛ yɛ fɛ ne, ɛhene ne kɔyɛ ye damvo.

Anyandera 25:5

Foa bɔnefoɛ ne fi ɛhene ne nyunu, na ye ahennie bia kotimu wɔ tenenee nu.

Anyandera 29:12

Maenbulɛniɛ bɔ otie ngondombo dwirɛ ne, ye mbanyi amukoraa bɛyɛ bɔnefoɛ.

Mateo 25:21

Yeɛ ye mene ne sele ye kyɛ, ‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’

Mateo 25:23

Yeɛ ye mene ne sele ye kyɛ, ‘‘Mmo, akoaa paa ne nahorɛniɛ! Ali kaaba bie nwo nahorɛ, ngɔfa bɔ ɔsone ɔ ngowura wɔ sa; bra baanya wɔ mene anigye ne anu kyɛfa!’