Anyandera 14:31 - AHYERƐLƐ KRONGRON

³¹ Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 14:31 Iomraidhean Croise

YOB NWOMAA NE 24:4

Besumu mmenia bɔ bɛyɛ anwumvo ɔ befi atee so, na aseɛ so ehiafoɛ amukoraa bɛbɔ nu bɛkɔfea.

Edwein 12:5

AWURADE nwa nyoo, “Ɔnate kyɛ sona bɔ olle bie ne, bɛhyɛ ye, ná bɛma sona bɔ ɔyɛ anwumvo ne odi aworabɔlɛ ne ati, ngɔkekã me nwo. Ye nwo waenbɔlɛ bɔ yeɛ ɔpena ne, ngɔfa ngɔma ye.”

Anyandera 14:21

Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 22:16

Sona bɔ osisi ehiafoɛ fa nya ye nwo, ɔne bɔ ɔfa ye anwonya kyɛ sikafoɛ ne, ehiaa yeɛ okohia ye ɔ.

Anyandera 22:2

Nikyee ko he ma sikaniɛ ne ehianiɛ bɛte pɛ: AWURADE yeɛ ɔbɔle bɛ mu ɔ.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Nworɛ Dwirɛhanɛniɛ 5:8

Sɛ enwu kyɛ manzini bie anu besisi ehianiɛ, kyɛ bebua ndɛengyea, ɔne kyɛ bɛkatakata nahorɛ so a, nnɛma sɔ dwirɛ ne yɛ wɔ nwanwa, ofikyɛ panyi bie yeɛ ɔnea sɔ panyi ne so ɔ, na bewura mbanyi paa biemɔ abo.

Lewitikɔso 25:17

Nnɛma ɛmɔ nu biala sisi obiɛngo, na mmom suro wɔ Nyameɛ; ofikyɛ me ole AWURADE ɛmɔ Nyameɛ.

Lewitikɔso 25:35

“Sɛ wɔ nwoniɛ bie kɔ anwokyere nu, ná ɔfa ye anwokyere ne bato wɔ so a, odi kyɛ ɛboka ye ɔ; maa ɔne wɔ bɛtena kyɛ ɛwɔfoɛ anaa bataniɛ bɔ waasikye wɔ ɔ.

Yohane 12:8

Na ehiafoɛ de, ɛmɔ ne bɛ wɔ berɛ daa; nakoso me de, nna ɛmɔ ne me yeɛ bɛwɔ berɛ daa ɔ.”

Deuteronomi 24:14

“Paaniɛ ehianiɛ bɔ ye nwo aworabɔlɛ ne, nnɛsisi ye. Kyɛ ɔte Yisraelniɛ oo, anaa ɛwɔfoɛ bɔ ɔte wɔ kuro ne bie aso, wɔ w’aseɛ ne aso oo.

1 Yohane 4:21

Na ahyɛdeɛ bɔ wafa wama yɛ ɛhe: ebiala bɔ okuro Nyameɛ dwirɛ ne, odi kyɛ okuro oliɛma koso dwirɛ.