Anyandera 14:28 - AHYERƐLƐ KRONGRON

²⁸ Ɛhene bɔ ole mmenia pee ne, bɛte ye animnyam, nakoso ɛhene bɔ olle mmenia ne, ye tumi kɔ ase.

Anyandera 14:28 Iomraidhean Croise

2 Samuel 19:7

Yiti dwɔso kodwudwo kyire wɔ somvoɛ nemɔ ma b’ahone tɔ nzue nu. Na meta AWURADE ndaen kyɛ, sɛ angɔ a, sona ko po ngɔha wɔ nwo wa ɛnɛ kɔngɔen ye. Na ɛhe kɔyɛ edwirɛ piri paa kɔtra edwirɛ biala bɔ wato wɔ ɔ, fite wɔ mmerandeɛ nu bɔ ɔbaadwu ɛnɛ ɔ.”

2 Samuel 24:3

Yeɛ Yoabo buale Nana Dawide kyɛ, “Nana, w’adaworoma, AWURADE wɔ Nyameɛ ma mmenia ne bɛ somaa ɔyɛ mmɔhoɛ ɛyaa, maa ɛfa wɔ nye nwu ye a, ahaa ye de ye paa nu ɔ. Nakoso nzu ati yeɛ ekuro kyɛ ɛyɔ sɔ nikyee ye ɔ?”

1 Ahemvo 20:27

Yisraelfoɛ boaboale bɛ noa, ná bɛfale bɛ koɛ nningyein. Beyiele ne, bɛhɔle kyɛ bɛ ne Siriafoɛ bɛkwaaho. Yisrael koɛhonɛfoɛ ne boale bɛ noa kyɛ mbɔngye kure mmaa mmaa nyɔ wɔ Siriafoɛ ndendeneɛ so. Na Siriafoɛ de, bɛyɛle aseɛ ne aso mitimiti.

2 Ahemvo 13:7

Yiti Yehoahase koɛhonɛfoɛ bɔ bɛte pɔngɔhanɛfoɛ ne, né bɛmmo aburannu. Ɔhale teaseɛnam buru yeɛ koɛhonɛfoɛ bɔ bɛnate bɛ gya nu ɔ apee buru pɛ. Ofikyɛ Siria hene huhuni bɛ maa bɛsamone berɛ kyɛ mvuture bɔ sona tiatia so ɔ.

Ɛksadɔso 1:12

Nakoso bɛwɔ so bɛ́hyɛ bɛ anyeborolɛ maa ɔbo so nen, bekye po yeɛ né bɛ́kɔ so bɛsone ná bɛtrɛ ɔ. Na Misraimfoɛ surole Yisraelfoɛ paa.

Ɛksadɔso 1:22

Na Faro hyɛle ye mmenia ne amukoraa kyɛ, “Bienzua biala bɔ Hebrifoɛ kɔwo ye ne, ɛ́mɔgyi ye bɛto asue Naele nu, nakoso brasua biala de, ɛ́mɔma onya ngoa.”

Anyandera 14:27

AWURADE surolɛ te ngoa asue ti, na sona di so a ɔndɔ ewue ngaen nu.

Anyandera 14:29

Sona bɔ ye ahone nhu ndɛ ne, ole ndeaseɛ paa, nakoso bɔ ye ahone pingye ye ne de, odi ngwaseasɛm.

Yeremia 13:20

“Ma wɔ nye so ná nea mmenia bɔ befi sorɔ dɔ bɛ́ba ne. Mmoaen kure bɔ bɛfa bewurale wɔ sa ne, ɔwɔ nisua, wɔ mmoaen kure nyemenenyemene ne?