Anyandera 14:27 - AHYERƐLƐ KRONGRON

²⁷ AWURADE surolɛ te ngoa asue ti, na sona di so a ɔndɔ ewue ngaen nu.

Anyandera 14:27 Iomraidhean Croise

Edwein 18:5

ɛborɔ dɔ nyamaa mendale me, na ewue ngaen wale me so kyɛ ɔbaahye me.

Anyandera 10:27

AWURADE surolɛ ma ngoa tendenn, nakoso bɔnefoɛ de, ye ngoa so pɛ tika.

Anyandera 13:14

Nworɛniɛ foɛtulɛ ɔte ngoa asue ti, na sona di so a ɔndɔ ewue ngaen nu.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Anyandera 14:28

Ɛhene bɔ ole mmenia pee ne, bɛte ye animnyam, nakoso ɛhene bɔ olle mmenia ne, ye tumi kɔ ase.

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 22:5

Mmowue ne ngaen wɔ bɔnefoɛ atee so, na ebiala bɔ ye ngoa nwo hia ye ne, ɔtwe ye nwo fi bɛ nwo.

Nworɛ Dwirɛhanɛniɛ 7:26

Na nwuni bɔ ye nwo yɛ suro tra ewue ɔ: Ye ole brasua bɔ ye adwene te ngaen ne ɛtɛen ɔ, bɔ ye sa te ngɔnzɔngɔnzɔ ɔ. Sona bɔ ɔsɔ Nyameɛ nye ne, ode ye nwo fi sɔ braa ne sa nu, nakoso bɔnefoɛ de, ɔtɔ braa ne ngaen nu.

Yesaya 33:6

Ɔkɔyɛ wɔ mmerɛ so nyinasoɛ pindinn, ɔte ngoalelɛ, nworɛ ne nimdeɛ mmorosoɛ, na AWURADE surolɛ yeɛ ɔte ye agyapadeɛ ɔ.

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.