Anyandera 14:21 - AHYERƐLƐ KRONGRON

²¹ Bɔ obu ye mmango animtia ne, ɔte bɔne, nakoso bɔ ɔdo sona bɔ ɔyɛ anwumvo ne, onya saleɛ.

Anyandera 14:21 Iomraidhean Croise

Edwein 112:5

Sona bɔ ye ti anu yɛ mmerɛ, ná ɔfa fɛmo ye mmango, ná ɔfa nahorɛlilɛ bɔ ye bra ne, oyie ye yé.

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Edwein 22:24

Ofikyɛ amaneɛnwunɛniɛ ne, ye amaneɛ ne, wammu ye nye wangua so, yeɛ wanye ye nye wamvea ye, na mmom osũ frɛle ye ne, otiele ye sufrɛ.

Anyandera 11:12

Sona bɔ obu obiɛngo animtia ne, né adwene nne ye ti anu, nakoso sona bɔ ɔse nworɛ ne de, ɔndɛ ye noa nu.

Anyandera 14:31

Ɛhyɛ sona bɔ ɔyɛ anwumvo so a, né agua ye Nyameɛ bɔ ɔbɔle ye ne nyunu ase, na ebiala bɔ onwu ehianiɛ anwumvo ne, ɔhyɛ Nyameɛ animnyam.

Anyandera 17:5

Ɛgoro sona bɔ ɔyɛ anwumvo nwo a, né agua ye Nyameɛ bɔ ɔbɔle ye ne nyunu ase, yeɛ sona bɔ edwirɛ to obiɛngo a ɔyɛ ye fɛ ne, ɔngɔfa ye nwo ngoli tɔtorɔtɔɔ.

Anyandera 18:3

Nzɛmmɔne ne animtia yeɛ bɛnate ɔ, yeɛ nyanzoen bra ne animguaseɛ yeɛ bɛnate ɔ.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 21:10

Amumuyɛɛniɛ, ye kra gye aleɛ ole bɔne, na onnwu ye mmango anwumvoin.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Luka 18:9

Na ebiemɔ bɔ bɛfa bɛ nwo bɛto bɛ bɔbɔ bɛ nwo so kyɛ bɛtengyɛ, ná bebu bɛ mmango animtia ne, obuli bɛ anyandera he:

Asomafoɛ 20:35

Mahyire ɛmɔ wɔ nikyee biala nu kyɛ ɔsɛ kyɛ ɛmɔyɔ adwuma sɔa bɛfa bɛboka ehiafoɛ, ná ɛmɔma yɛkaye Awurade Yesu dwirɛ bɔ ɔhane ne. Ɔnwa: ‘Ɔte saleɛ pee kyɛ ɛkɔma tra kyɛ ekole ɔ.’ ”

Deuteronomi 15:9

Nea yé né annya adwene tɛɛ bie kyɛ, ‘Afoɛ bɔ ɔtɔ so nzoo, bɔ ɔte kerɛ-fahyɛlɛ afoɛ ne apingye,’ ná amva eliɛma hianiɛ nwo dwirɛ tɛɛ anzie wɔ ti anu, kyɛ ɛngɔma ye hwee. Eliɛma ne kosũ kogua wɔ so kohyire AWURADE, na ɔkɔkakyi bɔne kotia wɔ.

Hebrifoɛ 6:12

Yɛnguro kyɛ ɛmɔkɔyɛ nyaanyaa, na mmom yɛkuro kyɛ ɛmɔsua bɛ bɔ bɛnate gyidie ne aboterɛ so benya Nyameɛ bɔhyɛ ne.