Anyandera 14:2 - AHYERƐLƐ KRONGRON

² Sona bɔ ɔnate nahorɛlilɛ atee so ne, osuro AWURADE, nakoso bɔ ɔnate atee tɛɛ so ne de, obu ye animtia.

Anyandera 14:2 Iomraidhean Croise

2 Samuel 12:9

Nzu ati yeɛ ahwi afa AWURADE dwirɛ so aayɔ bɔ ɔte bɔne wɔ ye nyunu ɔ? Ahu Hitiniɛ Yuria, na afa ɔye agya. Amonfoɛ ngrandɛ yeɛ afa ahu ye ɔ.

1 Ahemvo 3:6

Na Solomon buale kyɛ, “W’akoaa Dawide bɔ yeɛ ɔte me baba ne, ɛyɛle ye paa kandinga paa. Ofikyɛ olili wɔ dwirɛ so nahorɛ nu ɔne atee bɔ ɔtengyɛ ɔ so, na ɔyele ye ti anu fitaa ɔsole wɔ. Ahɔ so afa sɔ paa kandinga ne alo ye, na ɛnɛ amaa wanya baa bienzua maa wali ye bia.

2 Ahemvo 17:34

Ɔbaadwu ɛnɛ ye, bɛtɛ yɔ b’amammerɛ daa nemɔ. Benzuro AWURADE. Afei Yakob bɔ AWURADE tole ye dumaa Yisrael ne, AWURADE ahyɛdeɛ ne ye nhyehyɛleɛ ne mmeraa ne mmeraa dwirɛ bɔ ɔfa mane ye bosofoɛ ne, sɔ maenmaensofoɛ nemɔ benni so.

YOB NWOMAA NE 1:1

Né biaa bie te Yuse aseɛ so. Ye dumaa li Yob. Sɔ biaa ne, né ye bra te sannwuu, na ɔtengyɛ. Ɔte sona bɔ né osuro Nyameɛ ɔ, na ɔhwene ye nwo fili bɔne nwo.

YOB NWOMAA NE 12:4

Me nwo yɛ me mmango mɔ sere, me bɔ mesu mefrɛ Nyameɛ a ɔma me mmuayɛɛ ɔ, sona bɔ metengyɛ, bɔ mvomsoɛ nne me nwo yeɛ me nwo yɛ mmenia sere ye.

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 112:1

Ɛ́mɔye AWURADE ayɛ! Sona bɔ osuro AWURADE, ná ye nye gye ye mmeraa dwirɛ nwo paa ne, onya saleɛ.

Edwein 25:21

Ma pɛpɛɛpɛyɛlɛ ne nahorɛlilɛ ɔnea me so, ofikyɛ wɔ yeɛ mafa me nwo mato wɔ so ɔ.

Anyandera 11:12

Sona bɔ obu obiɛngo animtia ne, né adwene nne ye ti anu, nakoso sona bɔ ɔse nworɛ ne de, ɔndɛ ye noa nu.

Anyandera 16:17

Teneneeniɛ atimbire ɔmmakye ngɔ bɔne nu, yiti ebiala bɔ ɔnea ye agyirɛtulɛ nu yé ne, onya ngoa.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 19:1

Ehianiɛ bɔ ye bra te sannwuu ne, ɔte paa tra sona bɔ ɔte nnakannaka ne kwaseaa ɔ.

Anyandera 2:15

B’atee te kanda atee, na bɛ suban te nnakannaka.

Anyandera 28:6

Ehianiɛ bɔ ye bra te sannwuu ne, ɔte paa tra sikaniɛ bɔ ye suban ɔtte mayee ɔ.

Nworɛ Dwirɛhanɛniɛ 12:13

Edwirɛ amukoraa bɔ yate ne, sɔa yeɛ yɛbɔ ye porɛ ɔ: Suro Nyameɛ ná di ye mmeraa dwirɛ so, ofikyɛ bɔ odi kyɛ kuro sona biala ɔyɔ hɔ ɛne.

Luka 10:16

“Ebiala bɔ otie ɛmɔ dwirɛ nen, watie me; yeɛ bɔ ɔpo ɛmɔ nen, wapo me; na bɔ ɔpo me nen, wapo bɔ ɔsomane me ne.”

Luka 16:14

Na Farasiifoɛ bɔ bɛ nye boro sikaa ne, bɛtele edwirɛ hemɔ amukoraa nen, bɛserele ye.

Asomafoɛ 10:22

Na bɛbɔle b’amaneɛ kyɛ, “Asraafoɛ ɛyaa so panyi Kɔneleo yeɛ ɔsomane yɛ ɔ. Ɔte sona paa, nyamesuroniɛ, na Yuda maen ne amukoraa bɔ ye dumaa paa. Na Nyameɛ abɔfo aye ahyire ye kyɛ ɔto ye sa frɛ wɔ ma ɛbra ye awuro, na otie wɔ noa dwirɛ.”

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Asomafoɛ 9:31

Yiti asɔre nemɔ bɔ bɛwɔ Yudea ne Galilea ne Samaria mukoraa benyane asomdwee, na benyini nyamesom nu. Na bɛnate Awurade surolɛ ne Sunzum Krongron aworakyekyerɛ nu bɛsone pee.