Anyandera 14:15 - AHYERƐLƐ KRONGRON

¹⁵ Sona bɔ ye adwene te kãa ne, ode edwirɛ biala di, nakoso badwemma de, ɔdwene ye agyirɛtulɛ nwo yé.

Anyandera 14:15 Iomraidhean Croise

2 Samuel 1:5

Yeɛ Dawide bisale sɔ aberandeɛ bɔ ogu so ɔbɔ ye amaneɛ ne kyɛ, “Ɛyɛle sɛɛ yeɛ enwuni kyɛ Sɔɔlo ne ɔwa Yonatan bawu ɔ?”

1 Ahemvo 2:18

Bahyeba buale kyɛ, “Yoo, mate, ngɔfa wɔ dwirɛ ne ngɔto Nana nyunu ngɔma wɔ.”

Nehemia 6:4

Betuli mmenia maa bɛwale me berɛ pɛen nna bɛfale sɔ ngraa ne ala bɛbrɛle me, na me koso mvale sɔ mmuayɛɛ komapɛ ne ala yeɛ mmane bɛ ɔ.

Anyandera 14:14

Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Anyandera 14:16

Nworɛniɛ suro, na ɔtwe ye nwo fi bɔne nwo, nakoso kwaseaa de, ɔyɛ dwirɛ a ɔndwene ye nwo.

Anyandera 14:8

Badwemma ye nworɛ ne, ɔmaa ɔdwene bɔ ɔyɔ ɔ nwo, nakoso ngwaseafoɛ bɛ gyiminɛ te nnakannaka.

Anyandera 17:4

Nzɛmmɔneniɛ tie nnakannakafoɛ bɛ noa dwirɛ, yeɛ ngondomboniɛ koso tie sona bɔ ɔte kanda ɔ dwirɛ.

Anyandera 22:3

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Anyandera 27:12

Badwemma nwu musue bɔ ɔkɔwa ɔ, na ɔtwe ye nwo kɔfea, nakoso bɛ bɔ b’adwene te nganga de, bɛfa bɛ ti bekowura nu benwu amaneɛ.

Anyandera 4:26

Dwene nekaa bɔ ekotu wɔ gya kotia ɔ nwo, amaa ɔnate so w’atee amukoraa ayie wɔ yé.

Amose 5:13

Ɔnate sɔ ati, nworɛfoɛ komua bɛ noa wɔ sɔ mmerɛ ne anu, ofikyɛ ɔte mmerɛ tɛɛ.

Asomafoɛ 13:7

Né sɔ biaa ne te supɔ ne aso amrado badwemaniɛ bɔ bɛfrɛ ye Sɛgio Pɔɔlu n’abiɛngo. Amrado ne somane maa bɛɛfale Banaba ne Sɔɔlo bɛwale berɛ, ɔnate kyɛ né okuro kyɛ otie Nyameɛ dwirɛ ne.

Ɛfesofoɛ 4:14

amaa ɔnate so yangɔ so yanyɛ ngwadaammaa bɔ ngyerɛkyerɛ mvrama biala ɔbɔ bɛ papapapa fa bɛ di akɔneaba ɔ, mmenia nnakannaka nu, bɔ bɛfa kanda nworɛ so bɛdɛɛdɛɛ ne.

Ɛfesofoɛ 5:17

Yiti nnɛma ɛmɔyɛ mmenia bɔ adwene nne bɛ ti anu ɔ, na mmom ɛ́mɔyɛ mmenia bɔ bɛte Awurade apɛdeɛ bo ɔ.

1 Yohane 4:1

Aliɛmaa mɔ, nna sunzum biala yeɛ ɔsɛ kyɛ ɛmɔde ye bedi ɔ, na mmom ɛmɔso sunzum nemɔ bɛnea sɛ aso bɛte Nyameɛ deɛ anaa; ofikyɛ ngondombo ngɔmhyɛlɛfoɛ pee badwɔso wɔ wiase.