Anyandera 14:14 - AHYERƐLƐ KRONGRON

¹⁴ Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Anyandera 14:14 Iomraidhean Croise

Edwein 109:17

Ohurole amoenwaa, yiti maa obu osa ye. Né ɔmbena saleɛ mma ye mmango, yiti maa saleɛ ɔbɔ ye.

Anyandera 12:14

Sona noa dwirɛ maa onya nikye paa bɔ ɔma ye kunu dwo ɔ, yeɛ sona nya ye sa noa adwuma nwo akatuaa.

Anyandera 12:21

Musue biala ndo teneneeniɛ, nakoso bɔnefoɛ de, wafa amaneɛ wasĩ.

Anyandera 14:10

Ahone di aworabɔlɛ a, ye ngome yeɛ ɔse ɔ, yeɛ sɛ ye nye gye koso a, sona foforɛ biala nnya ye anigye ne anu kyɛfa.

Anyandera 14:15

Sona bɔ ye adwene te kãa ne, ode edwirɛ biala di, nakoso badwemma de, ɔdwene ye agyirɛtulɛ nwo yé.

Anyandera 18:20

Sona noa dwirɛ ma ye ko yi, ye noa dwirɛ ma ye nwo tɔ ye.

Anyandera 9:12

Sɛ enwu nworɛ a, enwu ma wɔ bɔbɔ wɔ nwo, yeɛ sɛ ɛyɛ ngorohoɛ a, ɔkɔbɔ wɔ ngome wɔ ti so.

Yeremia 17:5

Bɔ AWURADE kã ɛhe: “Musue to sona bɔ ɔfa ye wora wura sona nu, ná ɔfa ye nwo to sona mmokalɛ so, ná ɔye ye adwene fi AWURADE so ɔ.

Yeremia 2:19

Wɔ bɔbɔ wɔ bɔne kɔbɔ wɔ ti so, na Nyameɛ si lilɛ bɔ ayakyi ne, sɔ suban ne kobua wɔ foɛ. Nwu ye ná kaye kyɛ ɔte aworabɔlɛ dwirɛ kyɛ ɛkɔpo AWURADE wɔ Nyameɛ ɔ; na me nwo suronyi ɔnne wɔ nu. AWURADE, Asafo Nyameɛ noa dwirɛ ɛne.

Yeremia 8:5

Na nzu ati yeɛ sɔ Yerusalemfoɛ ye, bafa asefinɛ bayɛ nnaa ye? Batira nnakannaka nu serɛserɛ, na bayɛ b’adwene kyɛ bengosa bɛ si.

Hesekiel 22:31

Yiti mama m’ahone ahu bɛ so piri paa, mafa m’anyeborolɛ see ne mayera bɛ, na mama bɛ yɔleɛ abɔ bɛ bɔbɔ bɛ ti so, AWURADE Nyameɛ noa dwirɛ ɛne.”

Hosea 4:16

Yisrael so yɛ se kyɛ nandwie beleɛ akrɔngrɔma bɔ ye so yɛ se ɔ. Afei AWURADE kɔma bɛ aleɛ kyɛ boaen ba bɔ ɔwɔ aseɛ tɛtrɛtɛɛ bɔ ndire wɔ so ɔ so.

Sefania 1:6

yeɛ bɛ bɔ bayakyi AWURADE sililɛ, bɛ bɔ bɛmbena AWURADE si atee bɔ bɛmva bɛ dwirɛ bɛndo ye nyunu ɔ.”

Yohane 4:14

Nakoso ebiala bɔ ɔkɔno nzue bɔ ngɔma ye bie ne de, nzuhɔen ngohũ ye le. Na nzue bɔ ngɔfa ngɔma ye ne, ɔkɔyɛ nzue abura wɔ ye nu bɔ opu kɔ daa ngoa nu ɔ.”

2 Korintofoɛ 1:12

Bɔ yɛfa yɛhoahoa yɛ nwo ɛhe: yɛ tiboa di yɛ adanzeɛ kyɛ yafa nahorɛlilɛ ne nyamesuro yeɛ yabɔ yɛ bra wɔ wiase ɔ, nganga yɛ ne ɛmɔ asetena nu. Yamva ewiase nworɛ so yeɛ yɛbɔle yɛ bra ɔ, na mmom yɛnate Nyameɛ adom so.

Galatiafoɛ 6:4

Yiti ma oso ye bɔbɔ ye adwuma nea, na ɛhe kɔmaa ɔkɔfa nikyee bɔ ye bɔbɔ wayɔ kɔhoahoa ye nwo, na ɔngɔfa ebie deɛ.

Galatiafoɛ 6:8

Na bɔ sona biala dua ye wɔ anwoɔnaen akɔnnɔ nu ne, okonya ewue kofi anwoɔnaen nu; nakoso bɔ odua ye wɔ Sunzum nu ne, okonya daa ngoa kofi Sunzum nu.

Hebrifoɛ 3:12

Aliɛmaa mɔ, ɛmɔnea yé na ɛmɔ nu biala annya adwene tɛɛ bɔ ɔmma onne nni ɔ, na wandwe ye nwo wamvi Nyameɛ teasefoɛ ne nwo.