Anyandera 13:7 - AHYERƐLƐ KRONGRON

⁷ Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Anyandera 13:7 Iomraidhean Croise

Anyandera 11:24

Ebiemɔ bɛye bɛ kunu bɛyɔ paa paa, nakoso bɛkɔ so benya bɛ nwo, yeɛ ebiemɔ wora bɛfa bɛ nningyein bɛbɔ atianuserɛ, nakoso bɛkɔ so bedi hiaa.

Anyandera 12:9

Ɔte paa kyɛ ɛkɔyɛ wɔ nwo awiɛmvoɛ, bɔ ele akoaa tra kyɛ ɛkɔmoma wɔ nwo so, nakoso wɔ noa aleɛ abɔ wɔ ɔ.

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 13:8

Sona fa ye anwonyadeɛ otua ye ti nyɔboɛ ɔpepɛ de ye ngoa, nakoso ehianiɛ de, bɛ nyunu hwilɛ po ɔnde bie.

Luka 12:20

Nakoso Nyameɛ sele ye kyɛ, ‘Kwaseambane! Kɔngɔen ye ala ngole wɔ kra ngofi wɔ sa nu; na nningyein bɔ apena agua berɛ ne, nwa yeɛ bɛkɔyɛ ye deɛ ɔ?’

Luka 12:21

Na sɔ ala yeɛ sona bɔ ɔboaboa agyapadeɛ noa ma ye nwo, nakoso olle anwonyadeɛ huu wɔ Nyameɛ nu ne ɔte ɔ.”

Luka 12:33

Ɛ́mɔtɔne bɔ ɛmɔle ye ɔ ná ɛ́mɔfa bɛ́yɛ adɔeɛ; ɛ́mɔyɔ sikaa bɔtɔ mɔ bɔ bɛnyɛ daa ɔ bɛfa, ɔne agyapadeɛ bɔ benyie le ɔ wɔ nyameɛso, nekaa bɔ awuefoɛ bɛmma berɛ, ná mvrɔlɔ koso benni ɔ.

1 Korintofoɛ 4:8

Nna ɛmɔ ɔ! Ɛmɔ sa ahã bɔ ɛmɔpena ɔ dada! Ɛmɔanya bɛ nwo bayie. Ɛmɔakwati yɛ bayɛ bɛ nwo ahemvo! Me kunu a, ahaa ɛmɔte ahemvo amba, amaa yɛne ɛmɔ abɔ nu yali hene.

2 Korintofoɛ 4:7

Nakoso sɔ agyapadeɛ bɔ yanya ye ne wɔ ngukue nu, na ɛhe maa ɔda adi kyɛ sɔ tumi totohyia ne te Nyameɛ deɛ, na nna yɛ deɛ ɔ.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

Yakobo 2:5

Nniɛma mɔ bɔ ɛmɔla m’ahone nwo ɔ, ɛ́mɔtie! Aso Nyameɛ ɔnneneane nu ɔyyele wiase ahiafoɛ kyɛ bɛyɛ gyidie nu anwonyafoɛ, ná benya agyapadeɛ wɔ ahennie ne anu, ahennie bɔ wafa wahyɛ bɛ bɔ bekuro ye dwirɛ ne bɔ ne?

2 Petro 2:19

Bɛfa fawɔnwodi bɛbɔ bɛ anohoba, wɔ aberɛ bɔ bɛ bɔbɔ bɛte prɔlowaa ngoaa ɔ. Ofikyɛ nikyee biala bɔ odi sona so ne, ye yeɛ sona ne te ye akoaa ɔ.

Nyekyire 2:9

Mese w’amaneɛnwunɛ ne wɔ hiaa, (nakoso anya wɔ nwo), yeɛ mese bɛ bɔ bɛnwa bɛte Yudafoɛ nakoso bɛtte Yudafoɛ ne, ná mmom bɛte Satan nyianu sua ne, bɛ musue dwirɛ kekanɛ ne.

Nyekyire 3:17

Ofikyɛ ɛnwa, ‘Manya me nwo, nne agyapadeɛ, na menhia nikyee fee.’ Nakoso ɛnze kyɛ ɛyɛ anwumvo, wɔ nwo yɛ aworabɔ, wahia wɔ, wɔ nye asi, ná wɔ nwo la so ɔ.