Anyandera 13:5 - AHYERƐLƐ KRONGRON

⁵ Teneneeniɛ kyi ngondombo, nakoso bɔnefoɛ de, ɔbɔ nyanzoen ne animguaseɛ bra.

Anyandera 13:5 Iomraidhean Croise

Edwein 119:163

Mekyi ngondombo, mepɔ ye, nakoso me nye gye wɔ mmeraa nwo.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 18:3

Nzɛmmɔne ne animtia yeɛ bɛnate ɔ, yeɛ nyanzoen bra ne animguaseɛ yeɛ bɛnate ɔ.

Anyandera 3:35

Animnyam kooli nworɛfoɛ bɛ sa nu, nakoso ngwaseafoɛ de, animguaseɛ kɔmata bɛ.

Anyandera 30:8

Ye bra mbaen mbaen ne nnakannaka fi me so kɔ dedeede, nnɛmaa medi hiaa, yeɛ nnɛmaa menya me nwo tam, na mmom, ma me me noa aleɛ bɔ mehia ɔ;

Anyandera 6:17

anyeɛ bɔ ɔtra ye ndo nwiaa, noa bɔ ɔnga nahorɛ ɔ, asaa bɔ ɔkã mogya bɔ odi be gua ɔ,

Nworɛ Dwirɛhanɛniɛ 3:8

sona dwirɛ hurolɛ le ye mmerɛ, yeɛ ɛpɔen le ye mmerɛ; koɛhonɛ le ye mmerɛ, yeɛ asomdwee le ye mmerɛ.

Hesekiel 20:43

Berɛ yeɛ ɛmɔkɔkaye atee bɔ ɛmɔnate so ɔ, ɔne bɔ ɛmɔayɔ amukoraa bafa bagua ɛmɔ nwo fiɛ ɔ; na ɔnate ɛmɔ bɔne amukoraa bɔ ɛmɔayɔ ne ati, ɛmɔ nwo kɔyɛ ɛmɔ tɛ.

Hesekiel 36:31

Na afei ɛmɔkɔkaye ɛmɔ bɔne yɔleɛ ne ɛmɔ yɔleɛ bɔ ɔtte mayee ne. Na ɔnate ɛmɔ amumuyɛɛ ne ɛmɔ akyiwadeɛ bra ne ati, ɛmɔ nwo kɔyɛ ɛmɔ tɛ.

Hesekiel 6:9

Na ɛmɔ nu mmenia bɔ bekonya bɛ ti bekodidi nu ne, bɛkɔkaye me wɔ maen maen bɔ bahye bɛ nnure bahɔ so nemɔ aso, ofikyɛ ngɔbrɛ b’adwaman ahone bɔ wapo me ne ase, yeɛ ngosi bɛ nye bɔ bɛfa bɛbɔ adwaman bedi bɛ mmosoen mɔ si ne. Na bɔne bɔ bayɔ, ɔne akyiwadeɛ mukoraa bɔ bayɔ ne, ɔkɔma bɛ bɔbɔ bɛ nwo kɔyɛ bɛ tɛ.

Daniel 12:2

Na bɛ bɔ balela wɔ aseɛnwo nnɛterɛ nu ne, bɛ nu pee kotingye, ebiemɔ kɔhɔ daa ngoa nu, yeɛ ebiemɔ wora bɛkɔhɔ animguaseɛ ne nyanzoen bɔ olle ayieleɛ ɔ nu.

Sakaria 11:8

Na bosome ko anu, nnuane mmoaenneafoɛ nza nemɔ bɛ boso mvili berɛ. Bɛ nwo yɛle me kra ahi, na me koso me nwo yɛle bɛ kra tɛ.

Ɛfesofoɛ 4:25

Yiti ɛ́mɔyakyi ngondombopɛlɛ, ná ebiala li nahorɛ ohyire obiɛngo; ofikyɛ yɛte yɛ nwo yɛ nwo akwaa.

Kolosefoɛ 3:9

Nnɛma ɛmɔpepɛ ngondombo bekyirekyire ɛmɔ nwo, ofikyɛ ɛmɔagyi ɛmɔ suban daa ne, ɔne ye yɔleɛ tɛɛ ne bagua,

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Maenbulɛfoɛ 16:11

Samson buale ye kyɛ, “Sɛ bɛfa findima monɛ bɔ bɛffa bɛyyɔle hwee le bɛkyekye me a, ye de ngɔyɛ mmerɛ, ná mayɛ kyɛ kuro sona biala.”