Anyandera 13:3 - AHYERƐLƐ KRONGRON

³ Sona bɔ ondwudwo mbaen mbaen ne, ɔpena ye ti ngoa, nakoso bɔ ye noa te kurokuro ne de, onya amaneɛ.

Anyandera 13:3 Iomraidhean Croise

Edwein 141:3

Ao AWURADE, kyire me bɔ nga ɔ, ná maa nwu bɔ odi kyɛ mefa me noa mekã ɔ.

Edwein 34:13

Nnɛte wɔ noa kã edwirɛ tɛɛ, yeɛ nnebukye wɔ noa pɛ ngondombo.

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Anyandera 10:14

Nworɛfoɛ boaboa nimdeɛ noa, nakoso kwaseaa de, ye noa dwirɛ twetwe ye kɔ amaneɛ nu.

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 10:8

Sona bɔ ɔse nworɛ ne, otie mmeraa dwirɛ, nakoso kwaseaa de, ye dwudwolɛ mbaen mbaen ne fa ye kɔ amaneɛ nu.

Anyandera 12:13

Bɔnefoɛ noa dwirɛ tɛɛ osua ye bɔbɔ ye ngaen kye ye, nakoso teneneeniɛ de, onya ye ti didi nu fi amaneɛ nu.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 14:3

Kwaseaa noa dwirɛ te mbire bɔ ɔfa hoahoa ye nwo ɔ, nakoso nworɛfoɛ noa dwirɛ pepɛ de bɛ.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Anyandera 18:7

Kwaseaa ye dwudwolɛ fa ye kɔ amaneɛ nu, na ye noa dwirɛ sua ye kra ngaen.

Anyandera 20:19

Sona bɔ okyinikyini di nzekure ne, ɔma ye noa yɛ kurokuro wɔ edwirɛ bɔ bɛfeafea so ɔ nwo, yiti nnɛfa wɔ nwo bɔ sona bɔ ye noa te kurokuro ɔ.

Anyandera 21:23

Ebiala bɔ ɔnea ye noa ne ye dwudwolɛ so yé ne, ɔtwe ye kra fi amaneɛ nu.

Yakobo 1:26

Sɛ ebie dwene kyɛ ɔte nyamesomniɛ, ná wannea ye dwudwolɛ so yé, ná mmom ɔlakalaka ye nwo a, sɔ sona ne nyamesom te mbaen.

Maenbulɛfoɛ 16:11

Samson buale ye kyɛ, “Sɛ bɛfa findima monɛ bɔ bɛffa bɛyyɔle hwee le bɛkyekye me a, ye de ngɔyɛ mmerɛ, ná mayɛ kyɛ kuro sona biala.”

Maenbulɛfoɛ 16:17

Na Samson hane ye mvealeɛ nu dwirɛ ne amu hyirele ye kyɛ, “Me ti ne, bɛttetele ye le, ofikyɛ nde nasiriteniɛ ma Nyameɛ fi me maame kunu. Sɛ bɛtete me ti a, m’anwoserɛ ne amukoraa kotu komini, ngɔyɛ mmerɛ ná mayɛ kyɛ kuro sona biala.”