Anyandera 13:20 - AHYERƐLƐ KRONGRON

²⁰ Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 13:20 Iomraidhean Croise

Gyenesise 14:12

Besa bɛhyele Abram aliɛma bienzua awa Lɔto bɔ né ɔte Sodom ne; na bɛsesale ye nningyein bɛbokale so bɛ ne ye hɔle.

1 Ahemvo 12:10

Ye ti pɛen mmerandeɛ bɔ ɔne bɛ tu nu nemɔ buale ye kyɛ, “Mmenia hemɔ bɔ baafa bato wɔ nyunu kyɛ, ‘Wɔ baba maa yɛyɔle adwuma serɛ paa. Yiti kekesaala ye, te so ma yɛ,’ ne, bua bɛ kyɛ, ‘Me sa mmɛseka bɔ oli nziɛ ne po, ɔte piri tra me baba sisia.

1 Ahemvo 12:8

Nakoso foɛ bɔ mbanyi nemɔ tuli Rehoboam ne, ɔfa tole ahameɛ. Na mmerandeɛ bɔ ɔne bɛ bɔ tipɛen bɔ ɔne bɛ tu nu, bɔ né baayɛ ye foɛtulɛfoɛ ne, ɔne bɛ dwenene edwirɛ ne anwo.

1 Ahemvo 22:32

Teaseɛnam so safohene nemɔ nwuni Yehosafate pɛ, bɛhane kyɛ, “Yisrael hene ɛhe oo!” Yiti bɛfale koɛ ne bɛɛtoale Yehosafate, na ɔteateane nu.

1 Ahemvo 22:4

Na obisale Yehosafate kyɛ, “Ɛkɔboka me maa yɛkɔfa koɛ yɛkɔɔtoa Ramote Gileade anaa?” Yehosafate buale Yisrael hene kyɛ, “Me ne wɔ de, yɛte sona ko. Me koɛhonɛfoɛ te wɔ koɛhonɛfoɛ, yeɛ me mbɔngɔ te wɔ mbɔngɔ.”

2 Aberɛso Dwirɛ 10:8

Nakoso foɛ bɔ mbanyi nemɔ tuli ye ne, ɔfa tole ahameɛ. Na mmerandeɛ bɔ ɔne bɛ bɔ tipɛen bɔ ɔne bɛ tu nu, bɔ né baayɛ ye foɛtulɛfoɛ ne, ɔne bɛ dwenene edwirɛ ne anwo.

2 Aberɛso Dwirɛ 19:2

Na Hanani awa Yehu bɔ ɔte sona bɔ ɔse ase ne, ɔhɔ ooyiale Nana Yehosafate, na Yehu bisale ye kyɛ, “Aso odi kyɛ ɛboka amumuyɛɛniɛ, ná bɛ bɔ bekyi AWURADE ne, ɛne bɛ tu nu anaa? Ɔnate ye sɔ ti, AWURADE yaafɛlɛ piri awa wɔ so.

2 Aberɛso Dwirɛ 22:4

Ɔyɔle bɔ ɔte bɔne wɔ AWURADE nyunu ɔ, kyɛbɔ Ahabo boso ama bɛyɔle ne ala. Ofikyɛ ye baba wue asi ne, Ahabo boso ama yeɛ bɛyɛle ye foɛtulɛfoɛ ɔ. Na bɛ foɛ bɔ betuli ye ne, wammoka ye koraa.

Edwein 119:63

Bɛ bɔ besuro wɔ ne, yeɛ bɛ bɔ bedi w’ahyɛdeɛ so ne, nde bɛ mukoraa bɛ biɛngo.

Anyandera 13:19

Sɛ wɔ sa kã bɔ ɛpena a, ɔyɛ wɔ kra fɛ, na ɔte ngwaseafoɛ akyiwadeɛ kyɛ bɛkɔhwe bɛ nwo bekofi bɔne nwo ɔ.

Anyandera 14:7

Twe wɔ nwo fi kwaseaa nwo, ofikyɛ ɛngɔte nimdeɛ dwirɛ ngofi ye noa.

Anyandera 15:31

Asoɛ bɔ otie anyunuhanɛ bɔ ɔma ngoa ne, ɔne nworɛfoɛ yeɛ bɛtena ɔ.

Anyandera 22:24

Nnɛfa sona bɔ ye ahone pingye ye ɔ abiɛngoɛ, yeɛ nnɛne bɔ ɔfɛ yaa mbaen mbaen ɔ bɛbɔ afɛ,

Anyandera 22:25

anyɔ a ekosua ye suban ne bie, ná aprɛprɛ wɔ kra ato ngaen nu.

Anyandera 7:27

Ye awuro te ɛborɔ atee, na ɔtorotoro kɔ ewue ye pumbu mɔ nu.

Anyandera 9:6

Nnɛma ɛmɔfa ɛmɔ nwo bɛbɔ ngwaseafoɛ, na ɛmɔkonya ngoa, na ɛ́mɔfa ndeaseɛ atee so.”

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Hebrifoɛ 10:24

Ɛ́mɔma yɛpena atee bɔ yɛkɔfa so yɛkɔbokaboka yɛ nwo bɔ ɔkɔmaa yɛkohyire ɔdɔ ná yayɔ nnwumaa paa ɔ.

Nyekyire 18:4

Na nza ndele komviɛ foforɛ mvili nyameɛso kyɛ, “Me mmenia, ɛ́mɔfi ye nu béfite, ná ɛmɔanyɔ ye bɔne yɔleɛ ne bie, ná ye hawo ne bie amma ɛmɔ so.