Anyandera 13:2 - AHYERƐLƐ KRONGRON

² Sona paa noa dwirɛ maa onya nningyein paa, nakoso ngondomboniɛ de, basabasayɔlɛ te ye kra aleɛ.

Anyandera 13:2 Iomraidhean Croise

Edwein 140:11

Sona bɔ ɔkekã mmenia nwo dwirɛ ne, nnɛma oyie ye yé wɔ aseɛ ne aso, ma musue oli patapaaniɛ si yerɛlɛlɛlɛ!

Edwein 75:8

Ofikyɛ AWURADE tira kwangoa bie wɔ ye sa nu, bɔ nzaa bɔ ye noa yɛ hye, bɔ opu ahure wɔ nu ɔ; okohwie nzaa ne bie, na wiase bɔnefoɛ amukoraa bɛkɔno bekotu ye bo.

Anyandera 1:18

Nakoso sɔ mmenia nemɔ bɛtetɛ bedi bɛ bɔbɔ bɛ nwo awue, na bɛtetɛ bekuku bɛ nwo.

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 10:11

Teneneeniɛ ye noa dwirɛ te ngoa asue ti, nakoso bɔnefoɛ de, ɔfa ye noa kata bɔne so.

Anyandera 11:23

Bɔ teneneefoɛ bɛpena ne, oyie bɛ yé, nakoso bɔnefoɛ b’anyelasoɛ de, ɔkakyi bɛ so ɛyaafɛlɛ.

Anyandera 12:14

Sona noa dwirɛ maa onya nikye paa bɔ ɔma ye kunu dwo ɔ, yeɛ sona nya ye sa noa adwuma nwo akatuaa.

Anyandera 18:20

Sona noa dwirɛ ma ye ko yi, ye noa dwirɛ ma ye nwo tɔ ye.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Anyandera 4:17

Ofikyɛ bɔne yɔleɛ te be gye aleɛ, yeɛ basabasayɔlɛ te bɛ nzaa bɔ bɛno ɔ.

Hosea 10:13

Ɛmɔafundam bɔne yɔleɛ, ɛmɔapɛ amumuyɛɛ; ɛmɔali ngondombo mmaa. Ofikyɛ ɛfale wɔ nwo tole w’anwoserɛ so, wɔ koɛhonɛfoɛ ahoneserɛfoɛ nemɔ bɛ somaa so.

Habakuku 2:17

Ofikyɛ nzɛmmɔne bɔ ayɔ atia Lebanon ne, ɔne ngaka mɔ huhunɛ bɔ ɔmaa besurole ne, okobu kosa wɔ, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Habakuku 2:8

Ɔnate kyɛ afẽ maen maen pee afa ne ati, maen ngaa nemɔ amukoraa koso bɛkɔfẽ wɔ bɛkɔfa, ofikyɛ ahã mmenia mogya agua, yeɛ ayɛ nhyɛsoɛ wɔ aseɛ ne aso, kuro ne aso, ɔne nu ama amukoraa bɛ so.

Nyekyire 16:6

Na ɔnate kyɛ bahwie anwoteefoɛ ne ngɔmhyɛlɛfoɛ mogya bagua ne ati, wɔ koso ama bɛ mogya maa bano, na bɔ ɔfata bɛ hɔ ɛne.”