Anyandera 13:19 - AHYERƐLƐ KRONGRON

¹⁹ Sɛ wɔ sa kã bɔ ɛpena a, ɔyɛ wɔ kra fɛ, na ɔte ngwaseafoɛ akyiwadeɛ kyɛ bɛkɔhwe bɛ nwo bekofi bɔne nwo ɔ.

Anyandera 13:19 Iomraidhean Croise

1 Ahemvo 1:48

na ɔtoale so bɔle mbaeɛ kyɛ, ‘AWURADE Yisrael Nyameɛ, bɔ ɛnɛ waye mma ko maa wali me bia, na wama me nye anwu ye ne, animnyam hã ye.’ ”

YOB NWOMAA NE 28:28

Na osele kuro sona kyɛ, ‘Tie, nworɛ ole kyɛ ekosuro AWURADE ɔ, yeɛ nimdeɛ ole kyɛ ɛkɔhwe wɔ nwo kofi bɔne nwo ɔ.’ ”

Edwein 34:14

Twe wɔ nwo fi bɔne nwo, ná yɔ bɔ ɔte paa ɔ, pena asomdwee si atee, na fa bɔ wɔ bra.

Edwein 37:27

Twe wɔ nwo fi bɔne nwo, ná yɔ bɔ ɔte paa ɔ; na ɛkɔtena berɛ afebɔɔ.

Anyandera 13:12

Sɛ w’anyelasoɛ wɔ nikyee bie anwo ɔkyɛ a, ɔmaa ɛboto, nakoso bɔ wɔ nye la so ne ɔba nu a, ɔte ngoa bakaa.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 13:20

Sɛ ɛne nworɛniɛ nate a, enwu nworɛ, nakoso sɛ ɛne ngwaseafoɛ bɛbɔ afɛ a, edwirɛ to wɔ.

Anyandera 16:17

Teneneeniɛ atimbire ɔmmakye ngɔ bɔne nu, yiti ebiala bɔ ɔnea ye agyirɛtulɛ nu yé ne, onya ngoa.

Anyandera 16:6

Bɛfa pɛpɛɛpɛyɛlɛ ne nahorɛlilɛ yeɛ bɛyɛ bɔne nwo mbata ɔ, na AWURADE surolɛ yeɛ ɔma sona twe ye nwo fi bɔne nwo ɔ.

Anyandera 29:10

Kodiawufoɛ bɛpɔ sona bɔ ye bra te sannwuu ɔ, nakoso teneneefoɛ de, bɛpena ye kra ngoa.

Anyandera 29:27

Amumuyɛɛniɛ te teneneeniɛ akyiwadeɛ, yeɛ sona bɔ ye bra te sannwuu ne, ɔte bɔnefoɛ akyiwadeɛ.

Anyandera 3:7

Nnɛbu wɔ nwo nworɛniɛ, suro AWURADE, ná twe wɔ nwo fi bɔne nwo.

Edwein Nu Dwein 3:4

Nzane bɛ nwo ne ala, yeɛ nwuni bɔ me kra kuro ye ne ɔ. Ndo mmrale ye, kyɛ mengɔma ɔngɔhɔ, kɔpem kyɛ mvale ye mmale me ni awuro, sona bɔ ɔnwonzɛle me ne, ye pumbu ne anu ɔ.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”