Anyandera 13:17 - AHYERƐLƐ KRONGRON

¹⁷ Somafoɛ tɛɛ twetwe amaneɛ ba, nakoso ɛbɔfoɛ nahorɛniɛ de, ɔma mmenia nwo sande bɛ.

Anyandera 13:17 Iomraidhean Croise

Anyandera 10:26

Kyɛbɔ nzaa kekarekekare ma sona ye gye onya, ná nwosina ma sona nye yɛ ye yea ne, sɔ ala yeɛ sona bɔ ɔte foen ne, ɔte ma bɛ bɔ bɛsoma ye ɔ.

Anyandera 13:18

Betu wɔ foɛ ná endie a, ehiaa ne animguaseɛ kã wɔ, nakoso sɛ ede wɔ nyunu hwilɛ to nu a, enya animnyam.

Anyandera 25:13

Kyɛbɔ asukɔtwea yurukuku ɔte wɔ ahuhuro mmerɛ bɔ bɛfa fieso aleɛ ne, sɔ ala yeɛ somafoɛ nahorɛniɛ ɔte ma bɛ bɔ bɛsomane ye ne ɔ, na ɔma ye mene mɔ bɛ kra nwo tɔ bɛ fɔnwoo.

Anyandera 25:23

Kyɛbɔ sorɔ dɔ mvrama fa esue ba ne, sɔ ala yeɛ sɛ ɛkã ebie si dwirɛ a ɔfa ɛyaafɛlɛ ba ɔ.

Anyandera 26:6

Sɛ ɛfa ngraa soma kwaseaa a, ɔpepɛ ye bɔbɔ ye gya gua, yeɛ ɔtwetwe musue dwirɛ ba.

Yeremia 23:28

Ngɔmhyɛlɛniɛ bɔ wahye laleɛ ne, odi kyɛ ɔfa laleɛ ne to dwaa, na bɔ mafa me dwirɛ matua ye noa ne koso, odi kyɛ ɔkã me dwirɛ ne nahorɛ nu. Nzikyɛ ngitahoɛ yeɛ ɔla afafu ne atokoɔ b’afia ɔ? AWURADE noa dwirɛ ɛne.

Hesekiel 3:18

Sɛ mekã mekyire bɔnefoɛ kyɛ, ‘Ewue yeɛ ekowu ɔ,’ ná ammɔ ye kɔkɔ, anaa anga angyire bɔnefoɛ ne maa wandwe ye nwo wamvi ye bɔne nwo, amaa ɔnate so wannya ngoa a, ye de sɔ bɔnefoɛ ne kowu ye amumuyɛɛ nu de; nakoso ye mogya de, wɔ berɛ yeɛ ngobisa ngofi ɔ.

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

1 Korintofoɛ 4:2

Afei koso, bɔ bɛpena ye wɔ somvoɛ mɔ nwo ole kyɛ bekoli nahorɛ ɔ.

2 Korintofoɛ 2:17

Yɛ de, yɛtte kyɛ mmeni pee bɔ bɛnate besi Nyameɛ dwirɛ ne aso kongo ne. Na mmom yɛbɔ Kristo nwo dawure nahorɛ nu wɔ Nyameɛ nyunu kyɛ mmenia bɔ Nyameɛ asoma bɛ ɔ.

2 Korintofoɛ 5:20

Yiti yɛte ɛbɔfoɛ ma Kristo bɔ Nyameɛ fa yɛ so tu foɛ ɔ; na yɛgyi Kristo gya nu yɛsrɛ ɛmɔ kyɛ, ɛ́mɔma ɛmɔ nwo ate ma Nyameɛ fa ɛmɔ bata ye nwo.

1 Timoteo 1:12

Meda y’Awurade Kristo Yesu bɔ wama me anwoserɛ ne ase; ofikyɛ wabu me nahorɛniɛ wafa me wawura ɛsolɛ adwuma ne anu.

2 Timoteo 2:2

Na bɔ ɛte fili me berɛ wɔ adanzefoɛ pee bɛ nyunu ne, fa wura mmenia bɔ bedi nahorɛ bɔ bɛkɔhora bekohyirehyire ebiemɔ koso ɔ bɛ sa.