Anyandera 13:13 - AHYERƐLƐ KRONGRON

¹³ Sona bɔ ɔmva foɛtulɛ nyɛ huu ne, ɔtwetwe amaneɛ brɛ ye nwo, nakoso bɔ odi mmeraa dwirɛ so ne de, okonya akatuaa wɔ so.

Anyandera 13:13 Iomraidhean Croise

2 Aberɛso Dwirɛ 36:16

Nakoso bɛhɔle so bɛgorole Nyameɛ ɛbɔfoɛ nemɔ anwo, bamva ye dwirɛ banyɛ huu, na bɛserele ye ngɔmhyɛlɛfoɛ nemɔ alaa kɔpem kyɛ AWURADE ɛyaa piri bɔ wafɛ ye wɔ ye maen so ne, ɔhɔle anwuro maa né bɛyɔ ye nwo hwee a ɔnyɛ yé ɔ.

Ɛsra 10:3

Yiti kekesaala ye, odi kyɛ yɛne yɛ Nyameɛ yɛyɛ apam, kyɛ yɛ ye nemɔ, bɛ ne bɛ mma mɔ, yɛkɔfoa bɛ maa bekofi yɛ nu bɛkɔhɔ. Me mene, ɛne mmenia bɔ bedi Nyameɛ mmeraa dwirɛ ne aso ne, odi kyɛ yɛyɔ ye sɔ kyɛbɔ mmeraa ne kyire ɔ.

Edwein 115:13

okoyira bɛ bɔ besuro AWURADE ɔ, kwahweabaa mɔ ne atitire mɔ.

Edwein 119:165

Bɛ bɔ bɛ nye gye wɔ mmeraa nwo ne, benya asomdwee kandinga; hwee ngɔtoatoa bɛ gya nu.

Edwein 19:11

Afei koso, ɔnate so yeɛ ɛbɔ wɔ somvoɛ kɔkɔ ɔ; na sona di so a, onya akatuaa piri.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Ɛksadɔso 9:20

Na Faro mbanyi nemɔ nu biala bɔ osuro AWURADE dwirɛ nen, ɔmane ye ngoaa ne ye nyɛmmoa nwatili wale awuro.

Anyandera 1:25

bɔ me foɛtulɛ amukoraa gua ɛmɔ so asi, ná ɛmɔmva ɛmɔ nyunu bɔ metwi ne bɛnyɛ huu ne ati,

Anyandera 13:12

Sɛ w’anyelasoɛ wɔ nikyee bie anwo ɔkyɛ a, ɔmaa ɛboto, nakoso bɔ wɔ nye la so ne ɔba nu a, ɔte ngoa bakaa.

Anyandera 13:21

Musue foa bɔnefoɛ, nakoso teneneefoɛ de, saleɛ te b’akatuaa.

Anyandera 16:20

Sona bɔ ɔdwene edwirɛ nwo yé ne, oyie ye yé, yeɛ bɔ ɔfa ye wora wura AWURADE nu ne, onya saleɛ.

Anyandera 19:16

Sona bɔ odi mmeraa dwirɛ ne aso ne, ɔpena ye kra ngoa, nakoso bɔ ɔnnea ye atee bɔ ɔnate so yé ne, okowu.

Yesaya 66:2

Ɛhemɔ amukoraa mafa me sa yeɛ mayɔ ɔ, yiti ɛhemɔ amukoraa bɛte me deɛ, AWURADE noa dwirɛ ɛne. Nakoso sona bɔ ɔte sɔaa yeɛ mepena ɔ: bɔ ɔbrɛ ye nwo ase ná onya sunzum nu anwobrɛaseɛ ɔ, ɔne bɔ ɔfa anidie ma me dwirɛ ɔ.

Yeremia 43:2

Hosaya awa Asaria ne Karea awa Yohanan ne mmienzua anwomasoɛfoɛ nemɔ amukoraa besele Yeremia kyɛ, “Ɛlaka, AWURADE yɛ Nyameɛ wanzoma wɔ kyɛ ɛɛhã kyɛ, ‘Nnɛma ɛmɔkɔ Misraim bɛkɔtena dɔ.’

Hesekiel 20:13

Nakoso Yisrael awuro ama yɛle me nwo lɔen wɔ ɛserɛ ne aso; banni m’ahyɛdeɛ so, na mmom bɛpole me mmeraa bɔ sɛ sona di so a onya ngoa ne; na beguale m’afofingyẽa nemɔ nwo fiɛ piri paa. “Yeɛ ngane kyɛ: Ngɔma m’ahone kohu bɛ so wɔ ɛserɛ ne aso, ná mahuhu bɛ.

Hesekiel 20:16

ɔnate kyɛ, bɛpole me mmeraa, banni m’ahyɛdeɛ so, yeɛ beguale m’afofingyẽa nemɔ nwo fiɛ, ofikyɛ b’ahone oolili bɛ mmosoen nemɔ asi.

Hesekiel 20:24

ɔnate kyɛ banni me mmeraa so, na mmom bɛpole m’ahyɛdeɛ, beguale m’afofingyẽa nemɔ nwo fiɛ, yeɛ bɛ nye oolili bɛ nana mɔ mmosoen nemɔ asi.

Malaki 3:16

Yeɛ bɛ bɔ besuro AWURADE ne, bedwudwo behyirehyirele bɛ nwo. AWURADE yɛle asoɛ tiele, na ɔtele; na bɛ bɔ besuro AWURADE ná bedi ye dumaa ni ne, bɛhyerɛle bɛ dumaa wɔ ngayeɛ nwomaa nu wɔ AWURADE nyunu.

Numeri 15:31

Ɔnate kyɛ sɔ sona ne wabu AWURADE noa dwirɛ animtia, ná wabu ye mmeraa dwirɛ so ne ati, odi kyɛ bɛpɛ ye asue korakora, na ye musue kɔbɔ ye ti so.”

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Luka 16:31

Na obuale ye kyɛ, ‘Sɛ bengotie Mose ne ngɔmhyɛlɛfoɛ nemɔ a, ye de sɛ ebie fi awufoɛ nu dwɔso po a, bengole ngoli.’ ”

2 Yohane 1:8

Ɛ́mɔnea ɛmɔ nwo yé, amaa bɔ ɛmɔafɛ banya ye ne wamvi ɛmɔ sa, na mmom ɛmɔanya ye nwo akatuaa mukoraa.