Anyandera 13:12 - AHYERƐLƐ KRONGRON

¹² Sɛ w’anyelasoɛ wɔ nikyee bie anwo ɔkyɛ a, ɔmaa ɛboto, nakoso bɔ wɔ nye la so ne ɔba nu a, ɔte ngoa bakaa.

Anyandera 13:12 Iomraidhean Croise

Gyenesise 46:30

Na Yisrael sele Yosef kyɛ, “Afei de mewu po a, mekuro, ɔnate kyɛ manwu wɔ nyunu, na manwu kyɛ ɛte ase.”

Nehemia 2:2

Yiti Nana bisale me kyɛ, “Ɛte apɔ, nakoso nzu ati yeɛ wɔ nyunu ayɛ bosaa ye? Ɛhe de nna hwee ɔ, wɔ wora mmom yeɛ wabɔ ɔ.” Na ɛhe mane ɛserɛ hane me paa.

Edwein 143:7

Ao AWURADE, yɛ ndɛ bua me; me sunzum wora abɔ. Nnɛye wɔ nye fea me; ɔba ye sɔ a, ngɔyɛ kyɛ bɛ bɔ bawu bahɔ ɛborɔ kumaa nu ne.

Edwein 17:15

Na me de, ɔnate kyɛ metengyɛ ne ati, ngonwu wɔ nyunu; sɛ medafe metingye a, m’ahone kɔtɔ me kunu, kyɛ manwu wɔ nyunu ɔ.

Edwein 69:3

Masu dee mayɛ mmerɛ; me komvi ayɛ wosee. Manea me Nyameɛ ate alaa ama me nye ape atee bo.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 13:13

Sona bɔ ɔmva foɛtulɛ nyɛ huu ne, ɔtwetwe amaneɛ brɛ ye nwo, nakoso bɔ odi mmeraa dwirɛ so ne de, okonya akatuaa wɔ so.

Anyandera 13:19

Sɛ wɔ sa kã bɔ ɛpena a, ɔyɛ wɔ kra fɛ, na ɔte ngwaseafoɛ akyiwadeɛ kyɛ bɛkɔhwe bɛ nwo bekofi bɔne nwo ɔ.

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Edwein Nu Dwein 5:8

O Yerusalem ndaluwa, mesrɛ ɛmɔ kitii, sɛ ɛmɔnwu me kurofoɛ ne a, ɛmɔhã behyire ye kyɛ, ehurolɛ abɔ me anwonyerɛ.

Yohane 16:22

Na ɛmɔ koso, kekesaala ye de, ɛmɔdi aworabɔlɛ, nakoso ngonwu ɛmɔ bieku, na ɛmɔ ahone kɔtɔ ɛmɔ kunu; na ɛmɔ anigye ne, ebiala ngole ngofi ɛmɔ sa nu.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.