Anyandera 13:10 - AHYERƐLƐ KRONGRON

¹⁰ Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Anyandera 13:10 Iomraidhean Croise

1 Ahemvo 12:16

Yisrael amukoraa nwuni kyɛ Nana Rehoboam wanne bɛ dwirɛ ne wando nu, na besele ye kyɛ, “Kyɛfa beni yeɛ yɛle ye wɔ Dawide nu ɔ? Yɛlle agyapadeɛ biala wɔ Yese awa ne anu. Yisrael ee, ebiala ɔhɔ ye awuro oo! Dawide bosoniɛ, koli wɔ mmenia so hene.” Yiti Yisraelfoɛ besili nu bɛhɔle b’awuro.

2 Ahemvo 14:10

Ali Edom so ngonim amba ama wɔ ti anu ayɛ wɔ fɛ. Ma wɔ nye sɔ animnyam bɔ anya ye ne, ná tena wɔ maen nu. Nzu ati yeɛ ɛtwetwe edwirɛ ba maa ɛne Yuda ɛmɔdi ngoguo ye?”

Anyandera 13:11

Ambe atee paa so ambena anwonyadeɛ a, ofi wɔ sa, nakoso bɔ ɔfɛ onya ye ne de, onya pee.

Anyandera 13:9

Teneneefoɛ kanea ta hyireinn, nakoso bɔnefoɛ kanea de, onua.

Anyandera 17:14

Ngondii bohyɛlɛ te kyɛ asue bɔ batikye ye ɔ, yiti anzana ɔkɔkakyi ngondii bɔ nu yɛ se nen, pɛ so.

Anyandera 19:20

Tie foɛtulɛ ná de ngyerɛkyerɛ to nu, amaa ɔnate so anwu nworɛ kyẽa bie.

Anyandera 20:18

Egyina foɛtulɛ so ɛfa adwene a, odi mu, sɛ ɛbaahɔ koɛ a, gyina foɛtulɛ paa so.

Anyandera 21:24

Anwomasoɛniɛ bɔ otu ye nwo ne, ye dumaa ole ngorohoɛniɛ, na ɔbɔ ye bra anwomasoɛ ndrasoɛ nu.

Anyandera 25:8

nnɛpere wɔ nwo ndɛndɛ fa kɔ mbanyi gya so, ofikyɛ ɔkwaayie ye bo ne, sɛ ebiɛngo bu gua wɔ so ma wɔ nyunu gua ase a, ɛkɔyɛ ye sɛ?

Anyandera 28:25

Sona bɔ ye nye boro nikyee ne, ɔtwetwe ngondii ba, nakoso bɔ ɔfa ye wora wura AWURADE nu ne de, okoyie ye yé.

Luka 22:24

Na edwudwolɛ bie wale b’afia kyɛ, bɛ nu nwa yeɛ odi kyɛ bebu ye kyɛ ɔte titire paa ɔ.

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

Yakobo 4:1

Koɛ ne ngondii bɔ ɔwɔ ɛmɔ nu ne, nisua yeɛ ofi ba ɔ? Ɛmɔ akɔnnɔ bɔ ɔne ɛmɔ nwonaen akwaa mɔ bɛko ne, aso nna nu yeɛ ofi ba ɔ?

Maenbulɛfoɛ 19:30

Na ɔfale ngraa mane ɛbɔfoɛ nemɔ kyɛ, “Ɛ́mɔbisa Yisraelfoɛ amukoraa sɔ dwirɛ he: ‘Ofi mmerɛ bɔ Yisraelfoɛ fili Misraim aseɛ so bɛwale bɔ ɔbaadwu ɛnɛ ɔ, aso sɔ dwirɛ he, ebie asi le? Ɛ́mɔdwene ye nwo, ɛmɔhɔ ye nwo agyina, ná ɛ́mɔbua ye nwo bie.’ ”