Anyandera 12:3 - AHYERƐLƐ KRONGRON

³ Sona ngora mva bɔneyɔlɛ nu mma onyie ye yé, nakoso teneneeniɛ de, okotira ndii bɔ ye bo ngotutu ɔ.

Anyandera 12:3 Iomraidhean Croise

YOB NWOMAA NE 15:29

Ongonya ye nwo, ye anwonya ne ngɔhyɛ, na ye anwonya ngotira ndii wɔ aseɛ so.

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Anyandera 10:25

Sɛ mvrama piri otu pɛ nu a, bɔnefoɛ boso mini, nakoso teneneeniɛ de, ɔte nyinasoɛ bɔ otimu berɛ daa ɔ.

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 12:12

Amumuyɛɛniɛ ye nye boro nningyein bɔ bɔnefoɛ benya ɔ, nakoso teneneeniɛ de, ye ndii tindim.

Nworɛ Dwirɛhanɛniɛ 8:8

Sona biala nne berɛ bɔ ole nwomeɛ so tumi, bɔ ɔkora si nwomeɛ ate maa ɔtena ye nu ɔ, anaa ole ye wue kyẽa so tumi ɔ? Ɛsrɛ atee wɔ koɛ nu a, engonya ye, yeɛ amumuyɛɛyɔlɛ mbepɛ nne bɛ bɔ bɛyɔ amumuyɛɛ ɔ.

Ɛfesofoɛ 3:17

amaa Kristo afa gyidie so watena ɛmɔ ahone nu, ná ɛ́mɔatira ndii batindim wɔ ɔdɔ nu,

Kolosefoɛ 2:7

Ɛmɔtira ndii wɔ ye nu, ná ɛ́mɔnea ye so bɛbɔ bɛ bra, ná ɛ́mɔtindim wɔ gyidie nu kyɛbɔ behyirehyirele ɛmɔ ne, ná ɛ́mɔla Nyameɛ ase daa.

1 Samuel 25:33

Adwene paa bɔ anya ye ne, Nyameɛ yira so, na oyira wɔ, kyɛ ɛnɛ amma manga mogya mangua manni ye nwo fɔ, kyɛ amma me bɔbɔ mandɔ mmenia so wereɛ ɔ.