Anyandera 12:25 - AHYERƐLƐ KRONGRON

²⁵ Ahunundetelɛ ma sona di aworabɔlɛ yɛ bosaa, nakoso edwirɛ paa ma ye wora kyekye.

Anyandera 12:25 Iomraidhean Croise

Edwein 38:6

Me nu akondo, nna ayanga pakayaa, na daa biala medi aworabɔlɛ.

Edwein 42:11

Ao me kra, nzu ati yeɛ aboto sɔaa ye, nzu ati yeɛ wɔ wora abɔ wɔ me nu ye? Fa wɔ wora wura Nyameɛ nu, ofikyɛ ngosa ngɔye ye ayɛ. Ɔte me bokafoɛ ne me Nyameɛ.

Anyandera 12:18

Edwudwolɛ fumfum kora pura sona kyɛ ngrandɛ, nakoso nworɛniɛ ye noa dwirɛ de, ɔsa anwonyerɛ.

Anyandera 12:26

Teneneeniɛ kyire ye mmango atee paa, nakoso bɔnefoɛ atee de, ɔmaa bemini.

Anyandera 14:10

Ahone di aworabɔlɛ a, ye ngome yeɛ ɔse ɔ, yeɛ sɛ ye nye gye koso a, sona foforɛ biala nnya ye anigye ne anu kyɛfa.

Anyandera 15:13

Enya anigye wɔ wɔ nu a, ɔma wɔ nyunu yɛ ɛsereserelɛ, nakoso aworabɔlɛ ma sona sunzum nwo to.

Anyandera 15:15

Sona bɔ onwu amaneɛ ne, kyẽa biala ɔtte mayee mma ye, nakoso bɔ ye nye agye de, mmerɛ biala te ɛpoentolɛ ma ye.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 15:30

Wɔ nyunu yɛ ɛsereserelɛ a, ɔma wɔ nye gye, yeɛ ndɛenvɛen maa sona aporɛ nu yɛ se.

Anyandera 16:24

Edwirɛ bɔ ɔyɛ fɛ ne, ɔte kyɛ woɛ bɔ ɔwɔ nzasameɛ nu ɔ, ɔte menemene ma sona kra, na ɔma aporɛnuserɛ.

Anyandera 17:22

Sona nye gye a, ɔte ayire paa, nakoso aworabɔlɛ de, ɔkweekwee mmowue nu.

Anyandera 18:14

Sona nde apɔ a, ye sunzum maa ogyina anwonyerɛ ne noa, nakoso sunzum bɔ ye wora abɔ de, nwa yeɛ ɔkɔhora kogyina sɔ tebea ne noa ɔ?

Anyandera 25:11

Ɛkã edwirɛ wɔ mmerɛ bɔ ɔfata nu a, ɔte kyɛ sikaa kɔkorɛ bɔ bafa bali adwii bagua ɛdwetɛ nu ɔ.

Anyandera 27:9

Kyɛbɔ sakyeɛfona ne ayirefona ma sona nye gye ne, sɔ ala yeɛ adamvoa nu fɛɛ, bɔ ɔte foɛtulɛ paa bɔ ɔfa ma wɔ te ɔ.

Yesaya 50:4

AWURADE Nyameɛ ama me suaniɛ ye noa bɔ bɛfa bedwudwo ɔ, kyɛ nwu edwirɛ bɔ ɔfata ɔ, bɔ ngɔhã ngɔkyekye sona bɔ wafɛ ɔ ye wora ɔ. Ngyerɛmɔ biala, otingye me maa me so te dwirɛ, kyɛ mva ndie, kyɛ bɛ bɔ banya nimdeɛ ne ala.

Sakaria 1:13

Na AWURADE le ndɛenvɛen ne aworakyekyerɛ dwirɛ buale abɔfo bɔ né ɔne me dwudwo ne.