Anyandera 12:24 - AHYERƐLƐ KRONGRON

²⁴ Sona bɔ okuro adwuma ne, odi mmenia so panyi, nakoso ɛfoen sona de, bɛmaa ɔyɔ kanganiɛ adwuma.

Anyandera 12:24 Iomraidhean Croise

Gyenesise 49:15

na onwuni kyɛ nekaa bɔ bede bɛ nwome te paa, na sɔ aseɛ ne yɛ nyemene, yiti ɔhane ye bati ase fa soale nningyein ne, na bɛhyɛle ye maa ɔyɛle kanganiɛ adwuma.

1 Ahemvo 11:28

Né Yeroboam te anwoserɛniɛ paa. Na Solomon nwuni kyɛ sɔ aberandeɛ ne ɔbɔ ye nwo mmɔden ne, Yosef boso ama amukoraa bɔ bɛhyɛ bɛ maa bɛyɔ adwuma ne, ɔmaa ɔneane bɛ so.

1 Ahemvo 12:20

Yisrael amukoraa tele kyɛ Yeroboam asa awa ne, bɛsomane maa bɛɛfrɛle ye bɛwale dwaa bɔ babɔ ne abo. Na bɛfale ye besili Yisrael amukoraa so hene. Dawide ahennie bia ne, ebiala wanne wando nu, sana Yuda abusua kure ngome.

1 Ahemvo 9:21

bɛ boso ama bɔ né bɛtɛ wɔ aseɛ ne aso, bɔ Yisraelfoɛ bangora bannua bɛ boso bɔkɔɔ ne, Solomon hyɛle bɛ maa bɛyɔle adwuma, na batoa so bayɔ maa waadwu ɛnɛ.

Anyandera 10:4

Asaa bɔ ɔte foen ne, ɔne ehiaa yeɛ bɛnate ɔ, nakoso asaa bɔ okuro adwuma ne de, ɔmaa enya wɔ nwo.

Anyandera 12:27

Ɛfoen sona nnya eburo naen ngu ye, nakoso sona bɔ okuro adwuma de, onya nikyee bɔ ye nyɔboɛ yɛ se ɔ.

Anyandera 13:4

Bɔ ɛfoen sona ɔpena biala, ongonya ye, nakoso sona bɔ okuro adwuma de, ye kra sa kã bɔ ɔpena ɔ.

Anyandera 17:2

Kanganiɛ bɔ ɔse nworɛ ne, okoli baa bɔ ɔbɔ nyanzoen bra so tumi, na okonya aliɛmaa nemɔ b’agyapadeɛ ne bie.

Anyandera 19:15

Ɛfoen ma sona da hatee, yeɛ akwadworɔ sona di hɔen.

Anyandera 22:13

Ɛfoen sona dwirɛ bɔ ɔkã ole kyɛ, “Gyata wɔ aluo dɔ, bekohu me wɔ mmorɔnoɛ nemɔ aso!”

Anyandera 22:29

Aso anwu sona bɔ ɔyɛ ye adwuma ferengyemm ɔ? Ahemvo mɔ yeɛ okonya atee kɔso bɛ ɔ, ɔngɔso kwahweabaa mɔ.

Maenbulɛfoɛ 1:28

Na nziɛ ye bɔ Yisrael nwo yɛle se ne, bɛhyɛle Kaananfoɛ maa bɛyɔle adwuma bɛmane bɛ, nakoso bandu bɛ bamvi aseɛ ne aso.