Anyandera 12:14 - AHYERƐLƐ KRONGRON

¹⁴ Sona noa dwirɛ maa onya nikye paa bɔ ɔma ye kunu dwo ɔ, yeɛ sona nya ye sa noa adwuma nwo akatuaa.

Anyandera 12:14 Iomraidhean Croise

YOB NWOMAA NE 34:11

Ofikyɛ otua sona kerɛ kyɛbɔ ye yɔleɛ si te ɔ, na ɔma sona sa ka ye akatuaa, kyɛbɔ ye atee bɔ ɔnate so ɔ si te ɔ.

Edwein 63:5

Me kra ko koyi kyɛ ama ye aleɛ bɔ ɔyɛ fɛ ne bɔ naen bɔ walɔ ɔ, na ngɔfa me noa ngɔto ahurusi dwein ngɔye wɔ ayɛ.

Anyandera 1:31

Yiti, bɛ yɔleɛ nwo akatuaa yeɛ bɛ sa kɔhã ye ɔ, na bɛ porɛ bɔ bɛbɔ ne, ɔkɔbɔ bɛ bɔbɔ bɛ ti so.

Anyandera 13:2

Sona paa noa dwirɛ maa onya nningyein paa, nakoso ngondomboniɛ de, basabasayɔlɛ te ye kra aleɛ.

Anyandera 14:14

Amumuyɛɛniɛ ye bɔbɔ ye yɔleɛ obu sa ye, yeɛ sona paa wora onya bɔ ɔyɔ ɔ nwo akatuaa.

Anyandera 15:23

Sona ma edwirɛ nwo mmuayɛɛ nyemene so a, ɔma ye nye gye, yeɛ sɛ ɔkã edwirɛ paa wɔ mmerɛ bɔ odi kyɛ ɔkã ɔ nu a, ɔte paa paa!

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 24:12

ná sɛ ɛkã kyɛ, “Tie, né yɛnze” a, Nyameɛ bɔ ɔse sona ti anu dwirɛ ne, aso onnwuni wɔ anaa? Ye bɔ ɔnea wɔ kra so ne, aso ɔnze anaa? Aso ongotua ebiala kerɛ kyɛbɔ ye yɔleɛ te anaa?

Anyandera 5:22

Bɔnefoɛ ye bɔbɔ ye amumuyɛɛ yeɛ osua ye ngaen kye ye ɔ, na ye bɔne nyamaa yeɛ ɔkyekye ye ɔ.

Yeremia 17:10

Me AWURADE, me yeɛ mepɛnzɛpɛnzɛ adwene nu, ná meso ahone menea ɔ, kyɛ metua ebiala so kerɛ kyɛbɔ ye atee si te ɔ, ɔne kyɛbɔ ye yɔleɛ si te ɔ.

Yeremia 21:14

Nakoso ngɔhwe ɛmɔ so kyɛbɔ ɛmɔ yɔleɛ te ɔ, AWURADE noa dwirɛ ɛne. Ngɔto ye ɛhɔayeɛ ne anu see, na ɔkɔyera nikyee biala bɔ wapɛ ye nwo wayia ɔ.”

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.

Mateo 16:27

Ɔnate kyɛ, Sona Awa ne ɔne ye abɔfo mɔ bɛkɔwa ye Baba animnyam nu, na okotua ebiala kerɛ kyɛbɔ ye yɔleɛ si te ɔ.

Hebrifoɛ 11:26

Na onwuni kyɛ sɛ ɔnate Kristo ti begua wɔ nyunu ase a, ye nwo le mvasoɛ tra kyɛ ekonya Misraim anwonyadeɛ ɔ, ofikyɛ né ye nye la kyẽa bie akatuaa so.

Hebrifoɛ 2:2

Na sɛ edwirɛ bɔ abɔfo mɔ hane ne te nahorɛ, ná mmeraatolɛ biala ne asoserɛ biala nyane ye so akatuaa kyɛbɔ ɔfata hɔ a,