Anyandera 12:12 - AHYERƐLƐ KRONGRON

¹² Amumuyɛɛniɛ ye nye boro nningyein bɔ bɔnefoɛ benya ɔ, nakoso teneneeniɛ de, ye ndii tindim.

Anyandera 12:12 Iomraidhean Croise

Edwein 1:3

Ɔte kyɛ bakaa bɔ balua ye asue noa, bɔ osu ye mma wɔ mmerɛ bɔ odi kyɛ osu ɔ nu, bɔ ye nyaa ɔngese ɔ. Nikyee bɔ ɔyɔ biala, oyie ye yé.

Edwein 10:9

Ɔtetɛ mvealeɛ nu kyɛ gyata bɔ wafea poen nu ɔ; ɔtetɛ kyɛ okonya bɛ bɔ bɛyɛ anwumvo ɔ ɔkɔhye bɛ. Ɔkye bɛ bɔ bɛyɛ anwumvo ɔ, na ɔpoa bɛ ase kowura ye ngaen nu.

Edwein 9:15

Kumaa bɔ maen maen mɔ batu ne, batete bagua nu; ngaen bɔ besuale bɛfa bɛfeale ne, wasɔ bɛ bɔbɔ bɛ gya.

Anyandera 10:15

Sikaniɛ anwonya yeɛ ɔte ye kuro bɔ wato ye nwo fasue ɔ, yeɛ ehianiɛ ye hiaa yeɛ ɔte ye aworabɔlɛ ɔ.

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 21:10

Amumuyɛɛniɛ, ye kra gye aleɛ ole bɔne, na onnwu ye mmango anwumvoin.

Yesaya 27:6

Mmerɛ bie baawa, Yakob kotira ndii, Yisrael kɔfefɛ kɔbɔ nyerɛen, na ɔkɔma ye mma koyi ewiase amukoraa tɛkyɛ.

Yesaya 37:31

Na Yuda awuro ama bɔ banya bɛ ti badidi nu ne, bɛ bo kosa kotira ndii, ná basu mmaa wɔ anwuro.

Mika 7:2

Mmeni paa boso amini afi aseɛ ye aso, na teneneeniɛ biala nne mmenia nu; bɛ mukoraa bɛtetɛ bɛpena mogya bɛkã begua, na ebiala sua oliɛma ngaen ɔpena ye ɔkye ye.

Yohane 15:16

Nna ɛmɔ yeɛ ɛmɔaneanea nu baye me ɔ, na mmom me yeɛ maneanea nu maye ɛmɔ ɔ. Na matu ɛmɔ masie berɛ kyɛ ɛmɔhɔ beesu mmaa, ná ɛmɔ mmaa ne bɛhɔ so bɛtena berɛ; na nikyee biala bɔ ɛmɔkobisa Baba ne wɔ me dumaa nu nen, ɔkɔfa kɔma ɛmɔ.

Yohane 15:5

“Me ole bobe ne, na ɛmɔ ole mmaen nemɔ. Ebiala bɔ ɔtena me nu, ná me koso metena ye nu ne, ye yeɛ osu mmaa pee ɔ; ɔnate kyɛ ɛmɔkwati me a, ɛmɔngɔhora nikye fee yɔ.

Romanfoɛ 6:22

Na kekesaala ye de, bale ɛmɔ bafi bɔne nu amaa ɛmɔayɛ Nyameɛ ngoaa. Ye so mvasoɛ bɔ ɛmɔnya ole kyɛ, ɛmɔayɛ krongron bɔ ye ayieleɛ ole daa ngoa.