Anyandera 11:31 - AHYERƐLƐ KRONGRON

³¹ Sɛ bɛbɔ teneneeniɛ aba so wɔ aseɛ ye aso a, ye de ɔkɔyɛ sɛɛ bɔ amumuyɛɛniɛ ne bɔnefoɛ bengotua bɛ so kerɛ ɔ!

Anyandera 11:31 Iomraidhean Croise

2 Samuel 22:21

“AWURADE neane kyɛbɔ mesi metengyɛ ɔ so mane me ye nwo akatuaa, ogyinane kyɛbɔ me bra si te sannwuu ɔ so mane me ye nwo akatuaa.

2 Samuel 22:25

Ye sɔ ne ati, AWURADE agyina me tengyɛlɛ so wama me ye nwo akatuaa, wagyina kyɛbɔ me bra te sannwuu wɔ ye nyunu ɔ so.

1 Ahemvo 13:24

Na ɔnate atee so ɔkɔ ne, gyata bie yiale ye atunu ohuni ye. Gyata ne gyili ye fuin ne tole atee ne anu. Afunum ne gyinane ye fuin ne anwo berɛ na gyata ne koso gyinane ye fuin ne anwo berɛ.

Anyandera 12:1

Ebiala bɔ okuro kyɛ bɛtengyɛtengyɛ ye ne, okuro nimdeɛ, nakoso bɔ okyi kyɛ bɛkɔhã ye nyunu ne de, wagyimi.

Anyandera 13:21

Musue foa bɔnefoɛ, nakoso teneneefoɛ de, saleɛ te b’akatuaa.

Anyandera 26:10

Sona bɔ ɔbɔ kwaseaa anaa akɔnomnzaniɛ paa ne, ɔte kyɛ agyaentolɛniɛ bɔ opurapura mmenia mukoraa ɔ.

Yesaya 13:11

Mebaahwe ewiase so wɔ ye bɔne nwo, ngɔhwe bɔnefoɛ so wɔ b’amumuyɛɛ nwo, ngɔpɛ ahandaenfoɛ b’anwomasoɛ ne aso, yeɛ ngɔbrɛ atianuserɛfoɛ bɛ nduhoɛ ne ase.

Yesaya 3:11

Nakoso bɔnefoɛ de, ye yaakɔ! Ye ayieleɛ te musue, ofikyɛ ye bɔne yɔleɛ ne, bɛkɔyɔ bie bekotua ye so kerɛ.

Yeremia 25:29

Ofikyɛ, tie, kuro bɔ me dumaa la so ne yeɛ médi moa meprapra musue megua ye so ɔ, na ɛmɔ de, ɛmɔkɔfa ɛmɔ nwo bekoli tɔtorɔtɔɔ anaa? Ɛmɔngɔfa ɛmɔ nwo bengoli tɔtorɔtɔɔ, ofikyɛ mebaasoma ngrandɛ meba aseɛ so ama amukoraa so, Asafo AWURADE noa dwirɛ ɛne.’

Hesekiel 44:10

Na Lewifoɛ bɔ bɛhwene bɛ nwo befili me nwo bɛhɔle dedeede, wɔ mmerɛ bɔ Yisrael lili makyebu beelili bɛ mmosoen mɔ si ne, bɛ sa kɔhã b’amumuyɛɛ nwo asohwenɛ.

Hosea 4:9

Na bɔ ɔkɔto maen ne nen, sɔ ala yeɛ ɔkɔto ɔsɔfo ɔ; ngɔhwe bɛ so wɔ bɛ bɔne nwo, na ngotua bɛ kerɛ kyɛbɔ bɛ yɔleɛ te ɔ.