Anyandera 11:30 - AHYERƐLƐ KRONGRON

³⁰ Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 11:30 Iomraidhean Croise

Edwein 92:14

Bɛkɔ so besu mmaa wɔ bɛ nworowaa nu, daa bɛte frɔmfrɔm ne monɛ,

Anyandera 12:12

Amumuyɛɛniɛ ye nye boro nningyein bɔ bɔnefoɛ benya ɔ, nakoso teneneeniɛ de, ye ndii tindim.

Anyandera 14:25

Danzeniɛ nahorɛniɛ ode sona ngoa, nakoso danzeniɛ ngondomboniɛ de, ɔye sona ma.

Anyandera 15:4

Ɛyɛ wɔ noa bɛtɛɛ a, ɔte ngoa bakaa, nakoso ngondombo dwirɛ de, oku sunzum.

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Daniel 12:3

Bɛ bɔ bɛte mmadwemma ne, bɛkɔta kyɛbɔ ewienu ta ɔ; yeɛ bɛ bɔ behyirehyirele mmeni pee maa bɛfale tenenee atee so ne, bɛ wora bɛkɔta kyɛ nzramaa afebɔɔ.

Mateo 4:19

Yeɛ Yesu sele bɛ kyɛ, “Ɛ́mɔli me si, na ngɔma ɛmɔkɔhwehwe mmenia bɛkɔbrɛ me.”

Yohane 4:36

Sona bɔ obu ne, onya akatuaa, na ɔboaboa mmaa ne noa kɔ daa ngoa nu; na sona bɔ odua ne ɔne bɔ obu ne, benya anigye bɛbɔ nu.

1 Tɛsalonikafoɛ 2:19

Na nzikyɛ yeɛ ɔte y’anyelasoɛ, anaa y’anigye, anaa yɛ ngonim abotire bɔ yɛkɔfa yɛkɔhoahoa yɛ nwo wɔ y’Awurade Yesu Kristo nyunu wɔ mmerɛ bɔ ɔkɔwa ne ɔ? Aso nna ɛmɔ ɔ?

Yakobo 5:20

ɛ́mɔkaye kyɛ, ebiala bɔ ɔkɔfa bɔnefoɛ kofi ye makyebu atee so kosa kɔwa ne, okole ye kra kofi ewue nu, na ɔkɔkata bɔne pee so.

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.