Anyandera 11:3 - AHYERƐLƐ KRONGRON

³ Sona bɔ ye bra te sannwuu ne, ye nahorɛlilɛ kyire ye atee, nakoso ngondombofoɛ bɛ nnakannaka fa bɛ kɔ ɛsɛkyelɛ nu.

Anyandera 11:3 Iomraidhean Croise

Edwein 25:21

Ma pɛpɛɛpɛyɛlɛ ne nahorɛlilɛ ɔnea me so, ofikyɛ wɔ yeɛ mafa me nwo mato wɔ so ɔ.

Edwein 26:1

Ao AWURADE, bua me be, ofikyɛ mafa pɛpɛɛpɛyɛlɛ manate; na mafa me nwo mato AWURADE so bɔ mengɔnwɔngye mengɔtɔ ɔ.

Anyandera 11:5

Sona bɔ ye bra te sannwuu ne, ye tenenee ma ye atee tengyɛ, nakoso bɔnefoɛ de, ye bɔbɔ ye bɔne yeɛ okotua ye kerɛ ɔ.

Anyandera 13:6

Tenenee bra, okyire nahorɛlilɛniɛ atee, nakoso bɔne de, obu sa bɔnefoɛ.

Anyandera 19:3

Sona bɔbɔ ye gyiminɛ yeɛ ɔma ye ayieleɛ yie ye ɔ, nakoso ɔpɛ ye nwo fɛ AWURADE so yaa.

Anyandera 2:22

nakoso bɔnefoɛ de, bekonua bɛ boso bekofi aseɛ so, na amumuyɛɛfoɛ wora, bɛkɔprapra bɛ boso bekofi so.

Anyandera 21:7

Amumuyɛɛfoɛ bɛ nzɛmmɔne kɔpra bɛ bo kɔhɔ, ofikyɛ bɛpo kyɛ bɛkɔyɔ bɔ ɔtengyɛ ɔ.

Anyandera 22:12

AWURADE nye bɔ nimdeɛfoɛ nwo waen, nakoso amumuyɛɛniɛ de, ɔbɔ ye dwirɛ gua.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Nworɛ Dwirɛhanɛniɛ 7:17

Nnɛma awosii ba wɔ ti anu tra so, yeɛ nnɛyɛ kwaseaa. Nzu ati yeɛ ɛpena kyɛ ɛpe wu ɔ?

Yesaya 1:28

Nakoso mmeraatolɛfoɛ ne bɔnefoɛ de, ngohũ bɛ ngɔbɔ nu, na bɛ bɔ bɛpo AWURADE ne wora, ngohũhũ bɛ.

Numeri 31:8

Behuhuni Midian ahemvo hemɔ bɛbokale mmenia bɔ behuhuni bɛ ne aso: Ewi, Rekem, Sure, Hure ne Reba. Besa bɛfale ngrandɛ behuni Beɔ awa Balaam.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.