Anyandera 11:24 - AHYERƐLƐ KRONGRON

²⁴ Ebiemɔ bɛye bɛ kunu bɛyɔ paa paa, nakoso bɛkɔ so benya bɛ nwo, yeɛ ebiemɔ wora bɛfa bɛ nningyein bɛbɔ atianuserɛ, nakoso bɛkɔ so bedi hiaa.

Anyandera 11:24 Iomraidhean Croise

2 Aberɛso Dwirɛ 31:10

Yeɛ ɔsɔfo panyi Asaria bɔ ɔte Sadoke bosoniɛ ne, obuale Hesekia kyɛ, “Ofi mmerɛ bɔ bɛhyɛle ye bo bɛfale sɔ nningyein nemɔ bɛwale AWURADE awuro ne, yanya aleɛ yali maa wabu yɛ so, ofikyɛ AWURADE ayira ye maen, amaa ɔnate ye sɔ ti yeɛ yanya nningyein pee maa wabu yɛ so ye.”

Edwein 112:9

Ɔye ye kunu fa nningyein kyekyɛ, ɔyɛ ehiafoɛ paa; ye tenenee wɔ berɛ afebɔɔ, na ye anwoserɛ kɔhɔ so animnyam nu.

Anyandera 11:18

Bɔnefoɛ anwonya te mbaen, nakoso sona bɔ odua tenenee de, onya nahorɛ akatuaa.

Anyandera 11:23

Bɔ teneneefoɛ bɛpena ne, oyie bɛ yé, nakoso bɔnefoɛ b’anyelasoɛ de, ɔkakyi bɛ so ɛyaafɛlɛ.

Anyandera 11:25

Sona bɔ ɔtaa kyɛ nikyee ne, okonya ye nwo, yeɛ sona bɔ ɔboka ebiemɔ maa bɛyɛ yee ne, ye koso ɔkɔyɛ yee.

Anyandera 13:7

Ebie yɛ ye nwo kyɛ ye sa nu le bie, nakoso olle huu; yeɛ ebie koso yɛ ye nwo kyɛ wahia ye, nakoso wanya ye nwo tam.

Anyandera 19:17

Ebiala bɔ ɔyɛ sona bɔ ɔyɛ anwumvo paa nen, ɔfa fɛmo AWURADE, na paa bɔ wayɛ ne, AWURADE kɔyɛ ye bie kotua kerɛ.

Anyandera 28:27

Sona bɔ ɔkyɛ ehiafoɛ nikyee ne, nikye fee nwo ngohia ye, nakoso bɔ okobu ye nye kogua bɛ mmokalɛ so ne de, amoenwaa pee kɔwa ye so.

Anyandera 28:8

Sona bɔ ɔnate aminɛlilɛ ne bosea nwo nzihoɛ so onya ye nwo ne, ye anwonya bɔ ɔboaboa ye noa ne, okodi ebie bɔ ɔse ehiafoɛ anwumvoin ɔ ye berɛ.

Nworɛ Dwirɛhanɛniɛ 11:6

Dua wɔ fieso nningyein ngyerɛmɔ, yeɛ nnɛte wɔ sa fi ye lualɛ nwo nɔsoa, ofikyɛ ɛnze bɛ nu horɛ bɔ ɔkɔyɛ paa ɔ; kyɛ ɛhe anaa ɛhene, anaakyɛ bɛ munyɔ bɛkɔyɛ paa ɔ.

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Malaki 3:8

Aso odi kyɛ sona di Nyameɛ ndurum anaa? Nakoso ɛmɔ de, ɛmɔdi me ndurum. Na ɛmɔbisa kyɛ, ‘Atee beni aso yeɛ yɛdi wɔ ndurum ɔ?’ Ɛmɔdi ye wɔ buru nu ngyɛmuɛ ko ɔne afɔleɛbɔlɛ nu.

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Deuteronomi 15:10

Fia wɔ kunu ma ye nikye, na sɛ ɛma ye nikyee a, ɔyɛ a nnɛsũ gua wɔ kunu; na ɔnate ɛhe aso AWURADE wɔ Nyameɛ koyira wɔ wɔ w’adwuma mukoraati nu, ɔne wɔ sa noa adwuma mukoraati nu.