Anyandera 11:19 - AHYERƐLƐ KRONGRON

¹⁹ Sona bɔ ye bra tengyɛ ne, onya ngoa, nakoso bɔ odi bɔne si ne de, onya ewue.

Anyandera 11:19 Iomraidhean Croise

2 Ahemvo 1:16

Na ɔhã hyirele Ahasia kyɛ, “AWURADE nwa nyoo, ‘Ɔnate kyɛ atu mmenia maa bahɔ Ekron bosoen Baal Sebubo berɛ abisa ne ati, yiti bɛen bɔ anwonyerɛ ahã wɔ ato so ye, engofi so ngodwɔso, na mmom ewue yeɛ ekowu ɔ! Nyameɛ biala ɔnne Yisrael bɔ ɛkɔhora kobisa wɔ ti kofi ye berɛ anaa?’ ”

2 Ahemvo 1:4

Yiti AWURADE nwa nyoo, ‘Bɛen bɔ anwonyerɛ ahã wɔ ato so ye, engofi so ndwɔso, na mmom ewue yeɛ ekowu ɔ.’ ” Na Elia sili nu hɔle.

Anyandera 10:16

Teneneeniɛ akatuaa fa ye kɔ ngoa nu, nakoso bɔnefoɛ de, ye mvasoɛ fa ye kɔ bɔne nu.

Anyandera 11:4

Ɛyaafɛlɛ piri kyẽa ne dwu a, anwonya te mbaen, nakoso bra bɔ ɔtengyɛ de, ode sona fi ewue nu.

Anyandera 12:28

Tenenee bra ɔfa sona kɔ ngoa nu, nakoso mvomsoɛ atee de, ɔkɔ ewue nu.

Anyandera 19:23

AWURADE surolɛ ma sona nya ngoa, enya ye a, ɛkɔtena asomdwee nu, na edwirɛ biala ngɔto wɔ.

Anyandera 21:16

Sona bɔ odi nimdeɛ atee nwo makyebu ne, awufoɛ mɔ nu yeɛ ɔkɔtena ɔ.

Anyandera 21:21

Ebiala bɔ ɔfa tenenee bra ne paayɛlɛ osie ye nye so ne, okonya ngoa, tenenee ne animnyam.

Anyandera 8:36

nakoso bɔ ɔkɔyɔ bɔne kotia me ne de, ɔyɛ ye bɔbɔ ye kra aborɛ, ebiala bɔ ɔpɔ me ne, né ewue yeɛ okuro ɔ.”

Asomafoɛ 10:35

na mmom maen biala nu, ebiala bɔ osuro ye, ná ɔyɔ bɔ ɔtengyɛ ne, ode ye to nu.

Romanfoɛ 6:23

Ofikyɛ bɔne akatuaa ole ewue; na Nyameɛ adom akyɛdeɛ ole daa ngoa wɔ y’Awurade Yesu Kristo nu.

Deuteronomi 16:20

Fa wɔ nye sie pɛpɛɛpɛyɛlɛ ngome so, na ɔnate so ekonya ngoa, ná atena aseɛ bɔ AWURADE wɔ Nyameɛ ɔ́fa ma wɔ ne aso.

Yakobo 1:15

Na sɛ akɔnnɔ ne ɔnwonzɛ a, ɔwo bɔne; yeɛ sɛ bɔne koso onyi yie a, ɔwo ewue.

1 Yohane 3:10

Na ɛhe yeɛ ɔmaa yɛnwu nzonzoleɛ bɔ ɔla abɔnzam ne Nyameɛ mma b’afia ɔ: ebiala bɔ ɔyɔ bɔ ɔndengyɛ anaa bɔ onguro oliɛma dwirɛ ne, ɔtte Nyameɛ awa.

1 Yohane 3:7

Me ngwadaa mɔ, nnɛmɔma ebiala lakalaka ɛmɔ. Ebiala bɔ ɔyɔ bɔ ɔtengyɛ ne, ɔte tenenee kyɛbɔ Kristo te tenenee ne.