Anyandera 11:17 - AHYERƐLƐ KRONGRON

¹⁷ Sona bɔ ɔyɛ paa ne, ɔyɛ paa ma ye kra, nakoso atianuserɛniɛ de, ɔyɛ ye bɔbɔ ye nwo.

Anyandera 11:17 Iomraidhean Croise

YOB NWOMAA NE 20:16

Ɔkɔtafe ɛkyenebene borɔ, na ɛbɔnaa yeɛ ɔkɔha ye kohũ ye ɔ.

Anyandera 15:27

Sɛ sona nya ye nwo fi aminɛlilɛ nu a, ɔtwetwe amaneɛ brɛ ye abusua, nakoso sona bɔ okyi fea-ase-ma de, okonya ngoa.

Anyandera 22:9

Sona bɔ ofia ye kunu ɔkyɛ nikyee ne, onya saleɛ, ofikyɛ ɔfa ye aleɛ ne bie ma ehiafoɛ.

Nworɛ Dwirɛhanɛniɛ 4:8

Sona bɔ wayɛ angonam bɔ olle ba anaa aliɛmaa ɔ, nakoso adwuma serɛ alaa yeɛ ɔkɔ so yɔ ɔ, na ye nye nzɔ ye anwonya bɔ wanya ye ɔ. Na obisa ye nwo kyɛ, “Adwuma bɔ mefɛ me nwo meyɔ, bɔ mama m’anigye abɔ me ye, nwa yeɛ mefɛ mema ye ɔ?” Ɛhe koso te mbaen ne adwuma fuin.

Yesaya 57:1

Teneneeniɛ wu, na ebiala kunu nde ye, bɛpɛ anwoteefoɛ ngoa so bɔ ebiala nde ye bo ɔ. Ofikyɛ bɛpɛ teneneeniɛ ngoa so kyɛbɔ ɔkɔyɛ bɔ edwirɛ tɛɛ bɔ ɔbaawa ne ɔngɔto ye ɔ.

Daniel 4:27

Yiti Nana, me foɛ bɔ mebaatu wɔ ye, de to nu: Bɔ bra bɔ ɔtengyɛ ɔ ná yakyi bɔne yɔlɛ; nwu bɛ bɔ bɛyɛ anwumvo ɔ anwumvoin, ná yakyi amumuyɛɛ yɔlɛ, amaa ɔnate so ebiaa né wɔ so anu atɔ wɔ ahyɛ.”

Mateo 5:7

“Bɛ bɔ benwu bɛ mmango anwumvoin ne banya saleɛ, ofikyɛ bɛ yeɛ bekonwu bɛ anwumvoin ɔ.

Luka 6:38

Ɛ́mɔfa bɛ́ma, na bɛkɔfa bɛkɔma ɛmɔ; asusudeɛ paa bɔ bamiamia so, bɔ bawoso ye, bɔ wayi wabo so ɔ yeɛ bekohwie bekogua ɛmɔ tena nu ɔ. Ofikyɛ asusudeɛ bɔ ɛmɔfa besusu ne, sɔ asusudeɛ ne ala yeɛ bɛkɔfa bekosusu bɛkɔma ɛmɔ ɔ.”

Filipifoɛ 4:17

Nna kyɛ mepena akyɛdeɛ hɔ ɔ; na mmom mepena mmaa bɔ ɔkɔma ɛmɔ ngondaa ne kɔsone ɔ.

Yakobo 2:13

Ofikyɛ anwumvoinnwunɛ nne ndɛenbualɛ nu mma bɔ wannwu anwumvoin ɔ; na anwumvoinnwunɛ hoahoa ye nwo di ndɛenbualɛ so ngonim.