Anyandera 11:13 - AHYERƐLƐ KRONGRON

¹³ Nzekurebɔlɛniɛ natenate ɔma ye noa yɛ kurokuro wɔ edwirɛ bɔ bɛfeafea so ɔ nwo, nakoso sona bɔ ɛkora fa wɔ wora wura ye nu ne de, ɔfa edwirɛ sie.

Anyandera 11:13 Iomraidhean Croise

Anyandera 10:19

Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 11:12

Sona bɔ obu obiɛngo animtia ne, né adwene nne ye ti anu, nakoso sona bɔ ɔse nworɛ ne de, ɔndɛ ye noa nu.

Anyandera 12:23

Badwemma feafea ye nimdeɛ so, nakoso ngwaseafoɛ de, bɛbɔ egyiminɛ dawure.

Anyandera 14:5

Danzeniɛ nahorɛniɛ mbɛ anoanu, nakoso danzeniɛ ngondomboniɛ de, odi adanzewia.

Anyandera 19:11

Anwohyɛsoɛniɛ ye ahone nhu ndɛ, na ɔte animnyam ma ye kyɛ okobu ye nye kogua mvomsoɛ so ɔ.

Anyandera 20:19

Sona bɔ okyinikyini di nzekure ne, ɔma ye noa yɛ kurokuro wɔ edwirɛ bɔ bɛfeafea so ɔ nwo, yiti nnɛfa wɔ nwo bɔ sona bɔ ye noa te kurokuro ɔ.

Anyandera 25:9

Sɛ ɛne ebiɛngo benya dwirɛ a, ɛne ye ngome bɛhã, na ɔnzɛ kyɛ ɛsa ebiɛngo ne bo gua so;

Yeremia 38:27

Yeɛ mbanyi nemɔ amukoraa bɛwale Yeremia berɛ beebisale ye, na ɔhane edwirɛ amukoraa bɔ ɛhene ne hyɛle ye kyɛ ɔhã ne hyirele bɛ. Yiti bɛpɛle edwirɛ ne aso, ofikyɛ né ebiala ɔttele edwirɛ ne.

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

1 Timoteo 5:13

Afei koso, besua akwadworɔ, na bekyinikyini awuro mɔ nu; nna kyɛ bɛyɛ foen ngome, na mmom bɛyɛ asɛmbɛ ne nzekure, na bɛkekã edwirɛ bɔ ɔmvata ɔ.

Yosua 2:14

Na mmienzua nyɔ ne buale Rahabo kyɛ, “Sɛ yɛku ɛmɔ a, yɛ wora Nyameɛ ohu yɛ bie! Sɛ amma yɛ nwo dwirɛ amvite a, ye de AWURADE fa aseɛ ne ma yɛ a, yɛkoli nahorɛ yɛkɔma wɔ, na yɛkɔyɛ wɔ paa.”

Yosua 2:20

Nakoso sɛ ɛma yɛ nwo dwirɛ fite de a, ye de yɛndo ndaen bɔ amaa yata ne.”