Anyandera 10:9 - AHYERƐLƐ KRONGRON

⁹ Sona bɔ odi nahorɛ ne, ɔnate a ye nwo sonn, nakoso ebiala bɔ ɔnate atee tɛɛ so ne de, ye nwo dwirɛ kofite.

Anyandera 10:9 Iomraidhean Croise

Gyenesise 17:1

Mmerɛ bɔ Abram lili afoɛ aburahona ne ngona ne, AWURADE yele ye nwo ali hyirele ye, na osele ye kyɛ, “Me ole Tuminiɛ Nyameɛ, di me dwirɛ so, ná ma wɔ bra yɛ sannwuu.

YOB NWOMAA NE 8:20

“Daabi, sona bɔ ɔtengyɛ ne, Nyameɛ mbo ye, yeɛ ɔmmoka bɔnefoɛ.

Edwein 23:4

Sɛ nnate ewue bɔnza awosii kabii nu po a, menzuro musue biala, ofikyɛ ɛne me yeɛ yɛnate ɔ; wɔ bakaa ne wɔ pɔmaa yeɛ bɛkyekye me wora ɔ.

Edwein 25:21

Ma pɛpɛɛpɛyɛlɛ ne nahorɛlilɛ ɔnea me so, ofikyɛ wɔ yeɛ mafa me nwo mato wɔ so ɔ.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Anyandera 17:20

Sona bɔ ɔte kanda ne, onyie ye yé, yeɛ nnakannaka sona wora musue to ye.

Anyandera 26:26

Ɔwɔ nu kyɛ ɔfa nnakannaka kata ye ɛpɔen ne aso de, nakoso ye bɔne nwo kɔla ali badwa nu.

Anyandera 28:1

Bɔnefoɛ nwati wɔ aberɛ bɔ ebiala mvoa ye ɔ, na teneneeniɛ de, ye hue yɛ se te kyɛ gyata.

Anyandera 28:18

Sona bɔ odi nahorɛ ne, okonya ngoa, nakoso bɔ ɔnate atee tɛɛ so ne de, ye ayieleɛ koyie ye mvum nu.

Anyandera 3:23

Ɔba ye sɔ a, ɛkɔfa w’atee so asomdwee nu, na wɔ gya ngopoli.

Mateo 10:26

“Yiti nnɛma ɛmɔsuro bɛ, ofikyɛ nikyee biala nne berɛ bɔ so akata bɔ ye nwo ngɔla berɛ ɔ, anaa bɔ ɔwɔ mvealeɛ nu bɔ bengonwu ye ɔ.

1 Korintofoɛ 4:5

Yiti nnɛma ɛmɔbua ndɛen koraka ná mmerɛ ne wadwu, koraka né Awurade awa, na ye yeɛ ɔkɔye mvealeɛ nu dwirɛ bɔ ɔwɔ awosii nu kofite ɔ, ná wasa mmenia ti anu nzusuleɛ wagua dwaaso. Na afei ebiala konya ɛkamvolɛ bɔ ɔfata ye ɔ kofi Nyameɛ berɛ.

1 Timoteo 5:25

Na sɔ ala yeɛ nnwumaa paa bɛda ali pefee ɔ, na sɛ banna ali po a, bɛngora bɛmvea.