Anyandera 10:25 - AHYERƐLƐ KRONGRON

²⁵ Sɛ mvrama piri otu pɛ nu a, bɔnefoɛ boso mini, nakoso teneneeniɛ de, ɔte nyinasoɛ bɔ otimu berɛ daa ɔ.

Anyandera 10:25 Iomraidhean Croise

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

YOB NWOMAA NE 20:8

Okotu komini kyɛ laleɛ, bengonwu ye ko; ye boso komini kyɛ kɔngɔen nyekyire.

YOB NWOMAA NE 21:18

Pɛen nyɛɛ yeɛ mvrama ɔbɔ bɛ kɔ kyɛ ɛserɛ ɔ? Pɛen nyɛɛ yeɛ mvrama piri ɔbɔ bɛ kɔ kyɛ afafu ɔ?

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 15:5

ɔmmɔ bosea mva nzihoɛ nzi ye nwo, yeɛ onne fea-ase-ma mmua bɔ odi be ɔ ndɛengyea. Ebiala bɔ odi sɔ dwirɛ nemɔ aso ne, ye bo ngotutu.

Edwein 58:10

Teneneeniɛ nwu kyɛ batɔ bɔnefoɛ so wereɛ a, ye nye gye; okonwunzi ye gya bo wɔ bɔnefoɛ mogya nu.

Edwein 58:9

Ole ɛyaa kɔpra teasefoɛ kɔhɔ kyɛ mvrama bɔ ɔpɛ ye nwo ɔ, na ɔkɔyɔ sɔ ndɛndɛ kɔtra kyɛbɔ wɔ kukue bɔ ogyi mmowue see so ɔ okosi kɔyɛ hye ɔ.

Anyandera 1:27

mmerɛ bɔ ahunundetelɛ kɔyɛ kyɛ mvrama piri kɔto ɛmɔ ne, mmerɛ bɔ amaneɛ kɔyɛ kyɛ mvrama bɔ ɔpɛ ye nwo kɔto ɛmɔ ne, mmerɛ bɔ aworabɔlɛ ne yealɛ kɔto ɛmɔ ne.

Anyandera 10:30

Bengotu teneneeniɛ bengofi ye boso, nakoso bɔnefoɛ de, ɔngɔtena aseɛ ne aso.

Anyandera 12:3

Sona ngora mva bɔneyɔlɛ nu mma onyie ye yé, nakoso teneneeniɛ de, okotira ndii bɔ ye bo ngotutu ɔ.

Anyandera 12:7

Bɔnefoɛ b’ayieleɛ yie bɛ, na bɛ boso mini, nakoso teneneeniɛ de, ye abusua kogyina.

Yesaya 40:24

Betu bɛ bɛtɛ ala a, bedua bɛ ala a, bɛ bakaa tira ndii wɔ aseɛnwo ala a, ohu mvrama gua bɛ so maa bɛkese, na mvrama piri pia bɛ kɔ kyɛ afafu.

Mateo 16:18

Na me, mekã mekyire wɔ kyɛ: Wɔ ole Petro, na nyɔbotaen he aso yeɛ ngosi m’asɔre ngosie ɔ, na ewue tumi ngɔhora ngoli so ngonim.

Ɛfesofoɛ 2:20

Bafa ɛmɔ basie asomafoɛ nemɔ ne ngɔmhyɛlɛfoɛ nemɔ fapem bɔ Yesu Kristo bɔbɔ yeɛ ɔte ye ndweasoɛ nyɔboɛ titire ne aso.

1 Timoteo 6:19

ná bɛ́fa bɛ́to fapem paa besie berɛ bɛma bɛ nwo kyẽa bie; amaa ɔnate so bɛ sa ahã daa ngoa ne.

2 Timoteo 2:19

Nakoso Nyameɛ fapem ne, ogyi berɛ pindinn, bɔ nzɔanoɛ he sɔ ye noa ɔ: “Awurade se bɛ bɔ bɛte ye deɛ”, yeɛ “Ma ebiala bɔ ɔbɔ Awurade dumaa ne ɔhwe ye nwo fi amumuyɛɛ nwo.”