Anyandera 10:19 - AHYERƐLƐ KRONGRON

¹⁹ Mvomsoɛ mba edwudwolɛ worawora nu, nakoso sona bɔ ondwudwo pee ne, ɔte nworɛniɛ.

Anyandera 10:19 Iomraidhean Croise

YOB NWOMAA NE 11:2

“Edwudwolɛ worawora ne, aso onni kyɛ mebua ye nwo bie anaa? Sɛ sona dwudwo worawora a, né okyire kyɛ odi be anaa?

Edwein 39:1

Ngane kyɛ, “Ngɔnea m’atee bɔ nnate so ɔ yé, amaa mamva me noa mangekã edwirɛ bɔ ɔte bɔne ɔ; ngɔfa krado ngɔto me noa nu, wɔ aberɛ bɔ bɔnefoɛ begyigyi me nyunu ye.”

Anyandera 11:12

Sona bɔ obu obiɛngo animtia ne, né adwene nne ye ti anu, nakoso sona bɔ ɔse nworɛ ne de, ɔndɛ ye noa nu.

Anyandera 11:13

Nzekurebɔlɛniɛ natenate ɔma ye noa yɛ kurokuro wɔ edwirɛ bɔ bɛfeafea so ɔ nwo, nakoso sona bɔ ɛkora fa wɔ wora wura ye nu ne de, ɔfa edwirɛ sie.

Anyandera 12:23

Badwemma feafea ye nimdeɛ so, nakoso ngwaseafoɛ de, bɛbɔ egyiminɛ dawure.

Anyandera 18:21

Sona noa dwirɛ maa onya ewue anaa ngoa, na bɔ okuro edwudwolɛ ne, onya ye nwo amaneɛ.

Nworɛ Dwirɛhanɛniɛ 5:1

Sɛ ɛkɔ Nyameɛ awuro a, nea wɔ nwo yé wɔ bɔ ɛkɔyɔ ɔ nwo. Ɛkɔ berɛ kotie ye a, ɔte paa tra afɔleɛ bɔ ngwaseafoɛ bɛbɔ ɔ. Ofikyɛ bɛ de, bɛnze kyɛ bɔne yeɛ bɛyɔ ɔ.

Nworɛ Dwirɛhanɛniɛ 5:2

Nnɛperepere wɔ nwo bukye wɔ noa, yeɛ nnɛperepere wɔ nwo ma edwirɛ fite wɔ noa wɔ Nyameɛ nyunu. Ofikyɛ Nyameɛ wɔ nyameɛso, yeɛ wɔ wora ɛwɔ aseɛ ye aso, yiti ma wɔ dwirɛ yɛ ndika ndika.

Nworɛ Dwirɛhanɛniɛ 5:3

Kyɛbɔ adwenedwene pee ma sona kye laleɛ ne, sɔ ala yeɛ edwudwolɛ pee maa yɛnwu sona kwaseaa ɔ.

Yakobo 1:19

Aliɛmaa adɔfo mɔ, ɛ́mɔtie ɛhe yé. Ɔsɛ kyɛ sona biala yɛ ndɛ tie, nnɛmaa ɔpe ndɛen dwudwo, nnɛmaa ɔpe ndɛen fɛ yaa;

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.