Anyandera 10:18 - AHYERƐLƐ KRONGRON

¹⁸ Bɔ ɔpɔ sona, nakoso ɔkatakata so ne, ɔnga nahorɛ, yeɛ bɔ ɔkekã obiɛngo nwo dwirɛ sɛkye ye ne, ɔte kwaseaa.

Anyandera 10:18 Iomraidhean Croise

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

Edwein 101:5

Ebiala bɔ ɔfea toatoa obiɛngo ne, ngɔmaa ɔkɔhã ye noa kɔto nu. Sona bɔ ɔte nduhoɛ ne anwomasoɛ ne de, mengɔpene ye.

Edwein 12:2

Bɛpepɛ anoanu bekyirekyire bɛ nwo. Bɛfa bɛ noa bɛdɛfɛdɛfɛ, ná bama bɛ noa ayɛ nyɔ.

Edwein 15:3

bɔ ɔmva ye noa ngeka mmenia nwo dwirɛ tɛɛ, bɔ ɔnyɔ obiɛngo bɔne, ná ommu obiɛngo animtia ɔ.

Edwein 5:9

Ofikyɛ bɛnga nahorɛ kaala, aborɛ yeɛ ɔwɔ bɛ ti anu ɔ; bɛ komvi te asieleɛ kumaa bɔ ɔla berɛ too ɔ, na bɛfa bɛ noa bɛdɛfɛdɛfɛ mmenia.

Edwein 50:20

Ɛtena ase ɛkekã eliɛma nwo dwirɛ; na eni awa po, ɛpepɛ ye gya ndii nu.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Ɛksadɔso 23:1

“Nnɛbɔ edwirɛ bɔ ɔtte nahorɛ nwo dawure. Nnɛfa wɔ nwo bɔ amumuyɛɛniɛ ná edi adanzewia.

Yeremia 6:28

Bɛ mukoraa bɛte asoserɛfoɛ bɔ bayɛ lɔen ɔ, bɛnate bedi nzekure; bɛte kɔɔbere ne buralɛ, bɛ mukoraa bɛte ngondombofoɛ.

Yeremia 9:4

Odi kyɛ ebiala ɔnea ye nwo yé wɔ obiɛngo anwo, na nnɛfa wɔ wora wura eliɛma nu, ofikyɛ aliɛmaa biala ɔpepɛ sona gya ndii nu, na abiɛngoɛ biala ɔnate di nzekure.

Lewitikɔso 19:16

Nnɛkyinikyini kekã mmenia nwo dwirɛ tɛɛ, nnɛdi adanzewia ma ebiɛngo nya ewue, ná enya ye wue si mvasoɛ: Me ole AWURADE.

1 Samuel 18:29

Sɔɔlo hɔle so surole Dawide paa, na Sɔɔlo pɔle Dawide wɔ ye asetena nu amukoraa.