Anyandera 1:5 - AHYERƐLƐ KRONGRON

⁵ Odi kyɛ nworɛfoɛ betie benya nimdeɛ pee, ná nimdeɛfoɛ koso fa so bɛma b’adwene nu pi,

Anyandera 1:5 Iomraidhean Croise

2 Aberɛso Dwirɛ 25:16

Nakoso ngɔmhyɛlɛniɛ ne noa wɔ so bɔ odwudwo ne, Nana Amasia sele ye kyɛ, “Nwa yeɛ ɔyɛle wɔ Nana ye tufohene ɔ? Ka wɔ noa to nu. Wanyɛ sɔ a, ngohũ wɔ.” Yiti ngɔmhyɛlɛniɛ ne yakyili ngɔm ne hyɛlɛ, nakoso osele kyɛ, “Me de mese kyɛ Nyameɛ pena kyɛ oku wɔ ɔ, ɔnate bɔ ayɔ ɔ, ɔne kyɛ andie me foɛtulɛ ne ati.”

YOB NWOMAA NE 34:10

“Yiti ɛmɔ bɔ ɛmɔte dwirɛ bo ɔ, ɛ́mɔtie me, bɔne te nikyee bɔ Nyameɛ ngɔyɔ bie le ɔ, yeɛ amumuyɛɛ te nikyee bɔ Tuminiɛ ne ngɔyɔ bie le ɔ.

YOB NWOMAA NE 34:16

“Sɛ ele nimdeɛ a, ye de tie sɔ dwirɛ he, yɛ asoɛ tie edwirɛ bɔ meka ne.

YOB NWOMAA NE 34:2

“Ɛmɔ, nworɛfoɛ, ɛ́mɔtie me dwirɛ ye, nimdeɛfoɛ, ɛ́mɔyɛ asoɛ betie me,

YOB NWOMAA NE 34:34

Bɛ bɔ bele nimdeɛ ne, bɔ bɛkɔhã bekohyire me, yeɛ nworɛfoɛ bɔ betie me koso, bɔ bɛkɔhã bekohyire me ole kyɛ,

Anyandera 12:1

Ebiala bɔ okuro kyɛ bɛtengyɛtengyɛ ye ne, okuro nimdeɛ, nakoso bɔ okyi kyɛ bɛkɔhã ye nyunu ne de, wagyimi.

Anyandera 14:6

Ngorohoɛniɛ pena nworɛ, na onnwu ye, nakoso sona bɔ ye adwene nu pi de, nimdeɛ nyanɛ nyɛ se mma ye.

Anyandera 18:15

Sona badwemma osua nimdeɛ, yeɛ nworɛfoɛ bɛ so pena nimdeɛ.

Anyandera 19:25

Bo ngorohoɛniɛ, na sona bɔ ye adwene te kãa ne kosua nworɛ, kã sona badwemma nyunu, na okonya nimdeɛ.

Anyandera 21:11

Sɛ bɛtwe ngorohoɛniɛ so a, sona bɔ ye adwene te kãa ɔ nwu nworɛ, yeɛ sɛ betu nworɛniɛ foɛ a, ye nimdeɛ kɔ anwuro.

Anyandera 8:33

Ɛ́mɔtie foɛtulɛ ná ɛmɔnwu nworɛ, na nnɛma ɛmɔpo ye.

Anyandera 9:8

Nnɛtwi ngorohoɛniɛ nyunu, ná wambɔ wɔ; sɛ etwi nworɛniɛ nyunu a, okohuro wɔ dwirɛ.

Anyandera 9:9

Tu nworɛniɛ foɛ, na ɔkɔhɔ so konwu nworɛ; yeɛ kyirekyire teneneeniɛ nikye, na ɔkɔhɔ so konya nimdeɛ.

Nworɛ Dwirɛhanɛniɛ 9:11

Nza nwuni kyɛ ewiase wa, nna bɛ bɔ bɛ nwo yɛ nyera ɔ yeɛ bedi amirikatulɛ nu ngonim ɔ; nna anwoserɛfoɛ yeɛ bedi koɛ nu ngonim ɔ; nna nworɛfoɛ yeɛ benya bɛ noa aleɛ ɔ, nna badwemma mɔ yeɛ benya bɛ nwo ɔ; yeɛ nna nimdeɛfoɛ yeɛ benya animnyam ɔ; nakoso mmerɛ ne mmerɛ tɛɛ la berɛ ma bɛ mukoraa.

1 Korintofoɛ 10:15

Medwudwo mekyire ɛmɔ kyɛ mmenia bɔ bɛse nworɛ ɔ, yiti ɛmɔdwene bɔ mekã ye nwo.

Deuteronomi 4:6

Ɛ́mɔli so ná ɛ́mɔfa bɛyɔ adwuma, ofikyɛ ɛhe kɔma ɛmɔ nworɛ ne ndeaseɛ kɔla ali wɔ maen maen mukoraa nyunu, amaa sɛ bɛte sɔ ahyɛdeɛ ne a, baha kyɛ, ‘Amba, maen titire he anu mmenia se nworɛ na bele ndeaseɛ!’