Anyandera 1:33 - AHYERƐLƐ KRONGRON

³³ Nakoso ebiala bɔ otie me dwirɛ de, ɔkɔtena asomdwee nu, okonya anwotɔ, na ye kunu ngɔtete ye kyɛ musue kɔto ye ɔ.”

Anyandera 1:33 Iomraidhean Croise

YOB NWOMAA NE 36:11

Sɛ betie ye ná bɛso ye a, bɛ ngoa bɔ waha ne, oyie bɛ yé, na b’afoɛ bɔ waha ne, bedi ye anigye nu.

Edwein 81:13

Ao, sɛ ahaa me maen kotie me dwirɛ a, sɛ ahaa Yisrael kɔnate m’atee so a!

Anyandera 12:21

Musue biala ndo teneneeniɛ, nakoso bɔnefoɛ de, wafa amaneɛ wasĩ.

Anyandera 14:26

Bɛ bɔ besuro AWURADE ne, bɛ wora wura ye nu pindinn, na ɔbɔ bɛ mma nwo waen.

Anyandera 9:11

Ofikyɛ ɛfa me so a, ekonyi kɔhyɛ, na ngɔma wɔ ngoa kɔyɛ tendenn.

Nworɛ Dwirɛhanɛniɛ 8:12

Ɔwɔ nu kyɛ bɔnefoɛ ɔyɔ bɔne yɔleɛ sɔ alaa ɛyaa, ná onya ngoa tendenn de; nakoso nahorɛ nu, me de mese kyɛ bɛ bɔ besuro Nyameɛ ná bebu ye ne yeɛ okoyie bɛ yé ɔ.

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 32:17

Ɔnate tenenee so asomdwee kɔwa, na tenenee kɔfa bɛ soanutɔlɛ ne bɛ nwo waenbɔlɛ kɔwa afebɔɔ.

Yesaya 48:18

O, sɛ ahaa ɛyɛle asoɛ tiele me mmeraa dwirɛ a! Ahaa w’asomdwee kɔyɛ kyɛ asue, ahaa wɔ tenenee kɔyɛ kyɛ ɛpo asorɔkye;

Yesaya 55:3

Ɛ́mɔyɛ asoɛ bétie, ná ɛmɔbra me berɛ; ɛ́mɔtie, amaa ɔnate so ɛmɔ kra anya ngoa. Me ne ɛmɔ yɛkɔyɛ apam afebɔɔ, bɔ ɔte me ɔdɔ bɔ onni ngasi bɔ nne ye ma Dawide ne.

Lewitikɔso 25:18

“Ɛ́mɔli m’ahyɛdeɛ so ná ɛ́mɔyɛ sotie bɛ́ma me nhyehyɛleɛ nahorɛ nu, amaa ɛmɔatena aseɛ ne aso asomdwee nu.

Lewitikɔso 25:19

Aseɛ ne kɔhye aleɛ, na ɛmɔkoli ma ɛmɔ ko koyi, ná ɛmɔatena aseɛ ne aso asomdwee nu.

Mateo 17:5

Ogu so odwudwo ne ala, yieee, munungum hyɛnhyɛnn bie ɔɔkatale bɛ so, na edwudwolɛ bie fili munungum ne anu hane kyɛ, “Mma bɔ ɔla m’ahone nwo ná me nye gye ye nwo paa ne ɛhe; ɛ́mɔtie ye!”

Luka 21:19

Na ɛmɔ pindinn gyinalɛ nu yeɛ ɛmɔkonya ɛmɔ kra ɔ.

Luka 21:9

Na sɛ ɛmɔte koɛ mɔ ne basabasayɔlɛ nwo dwirɛ a, nnɛma ɛmɔsuro; ofikyɛ, odi kyɛ ɛhemɔ bedi moa besisi, nakoso ayieleɛ ne ngɔwa berɛ ne ala.”

1 Petro 1:5

bɔ bɛnate gyidie so bɛbɔ ɛmɔ nwo waen wɔ Nyameɛ tumi nu, bɔ ɔkɔ ngoalelɛ bɔ basiesie kyɛ bɛbaala ye ali wɔ mmerɛ bɔ oli nziɛ ne anu ne.