Anyandera 1:28 - AHYERƐLƐ KRONGRON

²⁸ Afei bekosu bɛkɔfrɛ me, nakoso mengɔtɛ bɛ so, bɛkɔpena me paa, nakoso bengonwu me.

Anyandera 1:28 Iomraidhean Croise

Gyenesise 6:3

Na AWURADE hane kyɛ, “Me sunzum ngɔtena kuro sona nu afebɔɔ, ofikyɛ ɔte anwoɔnaen, ye afoɛ mukoraa bɔ okoli ɔ kɔyɛ ɛyaa ko ne aburanyɔ.”

YOB NWOMAA NE 27:9

Sɛ edwirɛ to ye a, aso Nyameɛ kotie ye sufrɛ?

YOB NWOMAA NE 35:12

Berɛ yeɛ bɛbɔ awuye ɔ, nakoso ebiala ndɛ bɛ so, ɔnate bɔnefoɛ b’anwomasoɛ ti.

Edwein 18:41

Bɛteateane nu bɛpenane mmokalɛ, nakoso bannya defoɛ biala, besu bɛfrɛle AWURADE, nakoso wandɛ bɛ so.

Edwein 18:42

Ndini bɛ muhumuhu kyɛ mvuture bɔ mvrama hu ye kɔ ɔ, na mvindini bɛ nguale kyɛ dwaaso nnɛterɛ.

Edwein 66:18

Sɛ ndwenene bɔne nwo wɔ me ti anu a, ahaa AWURADE andie me sufrɛ.

Anyandera 15:29

AWURADE ne bɔnefoɛ b’afia atee wale, nakoso teneneefoɛ de, otie bɛ mbaeɛ.

Anyandera 8:17

Bɛ bɔ bekuro me dwirɛ ne, mekuro bɛ dwirɛ, na bɛ bɔ bɛ nye boro bɛpena me ne, benwu me.

Edwein Nu Dwein 5:6

Mmukyele me kurofoɛ ne, nakoso né me kurofoɛ ne akakyi ye nwo wasa wahɔ. Me wora bɔle kyɛ wahɔ ɔ, mbenane ye, nakoso mannwu ye, mvrɛle ye, nakoso wanzuro.

Yesaya 1:15

Sɛ ɛmɔtrɛtrɛ ɛmɔ sa nu (kyɛ ɛmɔbɔ mbaeɛ a,) ngɔye me nye ngɔto buro bɔ mengɔtɛ ɛmɔ so ɔ. Ɛmɔbɔ mbaeɛ pee de, nakoso mengotie, ofikyɛ ɛmɔahã mogya bagua paa.

Yeremia 11:11

Yiti bɔ AWURADE kã ɛhe: Nahorɛ nu, mebaaprapra musue bɔ bɛngɔhora bɛngɔnwati bengofi nu ɔ megua bɛ so; ɔwɔ nu kyɛ bekosu bɛkɔfrɛ me, nakoso mengɔtɛ bɛ so.

Yeremia 14:12

Sɛ bɛyɔ akɔngyere a, mengotie bɛ sufrɛ. Yeɛ sɛ bɛbɔ naen yeralɛ afɔleɛ ne aburoo afɔleɛ po a, mengole bɛ mengɔto nu. Na mmom ngɔfa ngrandɛ, ɛhɔen ne ewue anwonyerɛ ngohũhũ bɛ pasapasa.”

Hesekiel 8:18

Ye sɔ ne ati, ngɔhwe bɛ so anyeborolɛ so. Mengɔkorɔkorɔ bɛ, yeɛ mengonwu bɛ anwumvoin. Na ɔwɔ nu kyɛ bɛkɔteatea nu bekosu bɛkɔfrɛ me de, nakoso mengɔtɛ bɛ so.”

Hosea 5:15

Ngosa ngɔhɔ m’atenaleɛ berɛ, kɔpem kyɛ bekole bɛ bɔne bɛkɔto nu, ná bɛkɔpena me si atee ɔ. B’amaneɛnwunɛ mmerɛ nu, bɛkɔpena me si atee ndɛndɛ.

Hosea 5:6

Bɛkɔfa bɛ mmoaen kure ne bɛ nandwie kure bɛkɔhɔ kyɛ bɛkwaapena AWURADE. Nakoso bengonwu ye; wahwe ye nwo wafea bɛ.

Amose 8:12

Mmenia kohyini kofi mboanoa bɛkɔɔhã mboanoa, bekofi sorɔ bekoodwu eyia afiteleɛ; bekoli akɔneaba bɛkɔpena AWURADE dwirɛ si atee, nakoso bengonwu ye.

Mika 3:4

Afei bekosu bɛkɔfrɛ AWURADE, nakoso ɔngɔtɛ bɛ so. Sɔ mmerɛ ne, ɔkɔye ye nye kɔfea bɛ, ofikyɛ bɛ yɔleɛ te bɔne.

Sakaria 7:13

Na kyɛbɔ ɔfrɛle ná bandie ne, sɔ ala yeɛ bɛfrɛle bɔ me koso mandie ɔ, Asafo AWURADE noa dwirɛ ɛne.

Deuteronomi 1:45

Na ɛmɔsa bɛwale beesu behyirele AWURADE, nakoso AWURADE andie ɛmɔ dwirɛ, yeɛ wandɛ ɛmɔ so.

Yakobo 4:3

Ɛmɔbisa, na ɛmɔ sa nga ye, ofikyɛ nna adwene paa yeɛ ɛmɔfa bebisa ɔ, kyɛbɔ ɔkɔmaa ɛmɔkɔfa bɛkɔyɔ bɔ ɛmɔ akɔnnɔ kuro ɔ.

1 Samuel 8:18

Na sɔ mmerɛ ne, ɛmɔkosu, ɔnate ɛmɔ hene bɔ ɛmɔafa ye bali ɛmɔ so ne ati; nakoso AWURADE ngɔtɛ ɛmɔ so sɔ mmerɛ ne.”